Ezra 9:5 - BIBLIYA NTAGATIFU OMU MASHI

⁵ Erhi amango g’enterekêro y’ebijingo ganabà, nayîsha najonjoboka na gulya mutula gwâni n’erya mishangi n’ecishûli câni bisharhangusire; nanacifukama, nanaciyinamulira amaboko emunda Nyamuzinda wâni ali,

Ezra 9:5 ပူးပေါင်းရင်းမြစ်များ

1 Bâm 8:22

Salomoni anaciyimanga embere z’oluhêrero lwa Nyakasane, embere z’e ndêko y’olubaga lwa bene Israheli boshi arhega amaboko emalunga aderha, erhi:

1 Bâm 8:38

n’akanayisha ali kushenga abè muntu muguma, lubè lubaga lwa bene Israheli boshi, ngasi muguma akanamanya ecibande câge cimuli oku nyonvu, erhi akalambûlira amaboko ebwa enôla nyumpa,

1 Bâm 8:54

Salomoni erhi ayûsa okushenga n’okusengera ebyôla byoshi, ayimuka ha lya ali afukamire aha mbêre z’oluhêrero lwa Nyakasane anayinamulira amabo ko enyanya.

2 Nganîro 6:13

Bulyâla Salomoni ali erhi ayûbasire n’omulinga, ahantu halengerîre, ahayûbakira omu karhî k’e ngo; obululi bw’ahôla bwàli bwa makano arhanu ga ngafula n’obugali bwaho bwàli bwa makano arhanu ga ngafula n’oburherema makano asharhu ga ngafula. Asôkera halya n’erhi abà amafukama embere z’olubaga lwa bene Israheli boshi, alambûlira amaboko gâge emalunga.

Nehemiya 1:4

Erhi nyumva okwo, natamala, nagwîra omulenge, nashinga nsiku zirhali nyi erhi kulaka ndaka; nakaz’icîshalisa n’okushenga Nyamuzinda w’enyanya.

Ennanga 141:2

Omusengero gwâni gusôker’emund’oli nka mugî gwa nshangi, n’aga maboko nalengeza gayêrekereyo nka burherekêre bwa bijingo.

Ennanga 143:6

Arhali bw’obu ndambûlîre amaboko emund’oli omurhima gwâni enyôrha yagukabize nk’idaho lya canda.

Ennanga 95:6

Muyishe rhuharâmye Nyakasane rhufukame embere zâge bulya ye warhulemaga.

Lubungo 9:29

Mûsa àmushuza, erhi: «Hano nantenga muno lugo, nagend’iyinamulira amaboko gâni emunda Nyakasane ali: emilazô yahuba, n’olubula lurhâcinie, lyo omanya oku igulu lyoshi liri lya Nyakasane.

Lubungo 9:33

Mûsa arhenga aha mwa Faraoni mwâmi w’e Mîsiri n’omu lugo, àyinamulira amaboko gâge emunda Nyakasane ali; emilazô n’olubula byahumba, enkuba erhàcidubukiraga oku idaho.

Izaya 1:15

“Mukalambûla amaboko, nnambwîkire obusù bwâni ndek’ibona; ciru mwankayûshûla emisengero, niono ntayiyumvîrhiza: bulya amaboko ginyu gayunjwîre mukò”.

Daniyeli 10:2

Muli agôla mango, niono Daniyeli nanacijà omu mishîbo ya nsiku za migobe isharhu.

Luka 22:41

Okubundi anacicîyêgûla ikano lyankabandwa irongo; afukama, ashenga, erhi:

Ebijiro 21:5

Ci erhi ezo nsiku zigera, rhwahira njira, boshi banacirhulusa, haguma n’abakazi n’abâna, bàrhurhalusa olugo. Rhwanacifukama eburhambi bw’enyanja, rhwàshenga.

Befezi 3:14

Co cirhumire nfukama embere za Nyamuzinda Îshe,