Ezra 9:12 - BIBLIYA NTAGATIFU OMU MASHI

¹² Na buno mumanyâge mwankahà bâli binyu bagala bâbo, na bagala binyu mumanye mwankabahà bâli bâbo; munamanye irhondo murhayagalagwa n’omurhûla gwâbo erhi n’iragi lyâbo lyo muzibuha, lyo muhashilya oku binjà by’eci cihugo, munayîsh’ibisigira abâna binyu ensiku zoshi!

Ezra 9:12 ပူးပေါင်းရင်းမြစ်များ

1 Nganîro 28:8

“Lêro bunôla, bîra bâni, embere z’Israheli yêshi lubaga lwa Nyakasane, n’embere za Nyamuzinda wîrhu odwîrhe arhuyumva, mucîrheganyagye okushimba amarhegeko ga Nyamuzinda wîrhu goshi. Ntyo lyo mwayôrha mubêzire mw’eci cihugo cinjinja munayîshicisigira abâna binyu kashambala oku nsiku zoshi”.

2 Nganîro 19:2

Yehu, mugala wa Hanani, mulêbi, ahuluka ajà emunda ali, anacibwîra mwâmi Yozafati erhi: «Ka bagwâsirwe okurhabâla omubî, ka osîma aba shomba Nyamubâho? Okwôla kwarhumire wacîlerhera obukunizi bwa Nyamubâho.

Ezra 9:2

Kulya kubà bajir’isheberayo abakazi, kuli bo bônene n’oku bâna bâbo na ntyo olubaga lutagatîfu lwamacîshwêkera kuli ago mashanja g’ebyo bihugo n’amaboko g’abarhambo n’abatwî b’emmanja go gabire ga burhanzi omu kuhenya maligo ga bene ago.

Lubungo 23:32

“Orhahîraga okanywâna mweshi nabo nîsi erhi mwe na banyamuzinda bâbo”.

Migani 13:22

Omugula, binjikulu, asigira akashambala kâge, ebi abahwinja basiga, mushinganyanya obiyîmamwo.

Migani 20:7

Omushinganyanya, ilabarha lyâge, lya mudahemuka; abâna asiga, abasiga bany’iragi.

Izaya 1:19

Mukayêmêra okubà bumvi, mwalya oku minjà g’ecihugo”.

Lushika 23:6

Ci kwône Nyamubâho, Nyamuzinda wâwe arhalonzagya okuyumva Balâmu, ciru Nyamubâho, Nyamuzinda wâwe ahindula byoshi, ahâli h’okumuhehêrera kwashuba kugisha akola amugisha, bulyâla Nyamubâho, Nyamuzinda ali akusîmire.

Lushika 23:7

Ensiku z’akalamo kâwe koshi, ciru ntà mango oderhage mpu wabalongeza omurhûla n’omugisho.

Lushika 7:3

Orhahîraga okakoma obumanina mweshi nabo: mwâli wâwe orhamugabiraga mugala w’ab’eyo; na mugala wâwe orhamusheberaga mwâli w’ab’eyôla.