Ezra 9:1 - BIBLIYA NTAGATIFU OMU MASHI

¹ Erhi ebyo bibà byamanagenda ntyo, abashamuka banacinjaho, mpu: Olubaga lwa bene Israheli, abadâhwa, Abaleviti barhalekini n’amashanja g’ebi bihugo rhuyûbakînwe nabyo; bacidwîrhe bajira amaligo gâbyo: aga Abanyamisiri, Abanyamoreni, Abanyakanani, Abahititi, Abapereziti, Abayebuseni, Abamoniti n’Abamowabiti.

Ezra 9:1 ပူးပေါင်းရင်းမြစ်များ

Murhondêro 15:16

Oku iburha lya kani go mango banashubire eno, bulya obubî bw’abanya-Amoriti burhacihika oku muhiro».

1 Bâm 11:1

Mwâmi Salomoni aziga bwenêne abakazi b’agandi mashanja okuleka mwâli wa Faraoni mwâmi w’e Mîsiri: Abamowabiti-kazi, Abamoniti-kazi, Abadomiti­-kazi, Abasidoni-kazi, Abahititi-kazi,

2 Nganîro 33:2

Ajira ebiri bigalugalu omu masù ga Nyamubâho, ayiga amabî ga galya mashanja Nyamubâho akungushaga embere za bene Israheli.

2 Nganîro 8:7

Olubaga lwoshi lwa Abanya-Hiti bali basigîre, Abanyamori, Abaperizi, Abahivi n’Abanyayebusi, abarhali bene-Israheli,

Ezra 10:2

Okubundi Shekanya, mwene Yehieli, wa muli bene Elamu, anacirhôla oluhyà abwîra Ezra, erhi: Rhwagomîre Nnâmahanga omu kuyanka abakazi b’omu gandi mashanja. Hyakwikubagirwa higuma hyône hicisigalire Israheli.

Ezra 10:8

Na kuli okwo abarhambo n’abagula bali babarhonzire oku ngasi orhali ho enyuma lya nsiku isharhu, banamunyage, banamukûle omu ndêko y’abo bâli halulizîbwe.

Nehemiya 13:23

Muli ago mango nashub’ibona Abayahudi bali bayansire abakazi banya-Ashidodi n’abanya-Amoni n’abanya-Mowabu.

Nehemiya 4:3

Rhwashenga Nyamuzinda wîrhu, rhwanajira abalanzi b’obudufu na mûshi lyo rhuhash’icilanga kuli bo.

Nehemiya 4:7

Okubundi obwo nanacihira olubaga mw’aho hantu enyuma ly’olukûta, halya harhankaboneka, najà nabahira ngasi mulala hâgo, n’engôrho zâbo, n’amatumu gâbo, n’emiherho yâbo.

Nehemiya 9:2

Bene Israheli boshi banaciciyêgûla oku bandi b’embuga, banacihûna bwimanga obwonjo oku byâha byâbo n’oku mabî g’ababusi bâbo.

Ennanga 106:35

Bashandâla omu banya-mashanja, banayiga okukola ebihenyehenye byâbo.

Lubungo 13:5

“Okuhandi, hano Nyakasane amâkuhisa omu cihugo c’Abakanani, c’Abahititi, c’Abamoriti, c’Abahiviti, n’ec’Abayebusi, cirya àcîgashiraga basho oku àkuhâco, cihugo cihululamwo amarhà n’obûci, okaz’ijira eci cijiro mwa guno mwêzi”.

Lubungo 23:23

“Hano malahika wâni abà amakushokolera, àbà amâkuhisa emw’Abamoriti, Abahititi, Abapereziti, Abakanani, emw’Abahiviti n’Abayebusi, hano mbà nabahungumwire”,

Lubungo 33:16

Bicigi bankacimanyirakwo oku niono rhwe n’olubaga lwâwe, rhurhonyire omu masù gâwe? K’arhali kugenda haguma nîrhu oku kwarhuma, n’okubona niono n’olubaga lwâwe rhurhashushini n’agandi mashanja gabà hano igulu?»

Izaya 52:11

Gendi, gendi, rhengi hano, ntà higalugalu muhumagekwo. Huluki omwôla, mucîyôbôle, mwe muhêka ebirugu bya Nyakasane!

Yeremiya 26:10

Omu kuyumva ntyo, abagula b’e Yûda, barhenga omu bwâmi basôkera ebwa ka-Nyamuzinda baheba endêko aha muhango gw’olumvi luhyâhya lw’aka-Nyamuzinda.

Yeremiya 26:16

Oku bundi abarhwâli n’olubaga lwoshi, babwîra abadâhwa n’abalêbi erhi «oyu muntu arhali wa kufà, bulyâla akanwa arhubwîzire kali ka kuli Nyakasane Nyamuzinda wîrhu».

Ben Levi 18:3

murhakazâg’ijira nk’oku ba­jira e Mîsiri mwâli muyûbasire, murhanakazâg’ijira nk’oku bajira omu cihugo c’e Kanâni, eci namuhêkamwo; murhahîraga mwashimba amarhegeko gâbo.

Malakiya 2:11

Abantu b’e Yûda bàgomîre amalaganyo gâbo. Bàkozire ebigalugalu e Yeru­zalemu n’omu cihugo c’Israheli coshi. Bàgayaguzize ahantu hatagatîfu Nyakasane azigira, bàkazisheba abakazi baharâmya banyamuzinda b’ihanga.

Mibalè 23:9

Bulya, kurhenga okw’irhwêrhwè ly’aga mabuye namamubona. Kurhenga okw’irhwêrhwè ly’orhurhondo, namamulolêreza. Luli lubaga luyûbasire hâgo hâgo, lurhankanaja oku mubalè gw’agandi mashanja.

Mibalè 25:6

Lolà oku ago mango, muntu muguma wa muli bene Israheli anaciyisha adwîrhe embere za bene wâbo omukazi w’omunya-Madiani, erhi na Mûsa adwîrhe asinza, n’omu masù g’olubaga lwa bene Israheli boshi, ludwîrhe lwalakira aha Muhango gw’Ihêma ly’embugânano.

Lushika 18:9

Amango wâbà wamahika muli cirya cihugo Nyamubâho, Nyamuzinda wâwe akuhà, omanye wakanayiga amaligo g’ago mashanja.

Lushika 23:8

Orhahîraga okashomba Omu-Edomiti bulyâla ali mwene winyu. Orhahîraga okashomba omunyamisiri, bulyâla wali cigolo omu cihugo câbo:

Lushika 7:1

Amango Nyamubâho, Nyamuzinda wâwe abà amakuhisa muli eci cihugo wagendiyanka, n’amango wâbà wamakungush amashanja manji: Abahititi, Abagirgashi, Abamoriti, Abanyakanani, Abaperizi, Abahiviti, n’Abayebuseni, mashanja nda na mazibu kululusha,

Yozwe 23:12

“Bulya erhi mwankacîhindula, mukacîshwêkera kuli aga mashanja gacisigîre ekarhî kinyu, mukaderha mpu mukola mwafundika obuhya nabo, mukanakazibayankira nabo bakanakazimuyankira”,