Ezra 8:31 - BIBLIYA NTAGATIFU OMU MASHI

³¹ Rhwanacirhenga aho lwîshi lw’Ahawa omu nsiku ikumi n’ibirhi z’omwêzi gwa burhanzi, rhwajà e Yeruzalemu. Okuboko kwa Nyamuzinda wîrhu kwanacirhujakwo, kwarhulikûza omu maboko g’abashombanyi n’omu mirhego minji ago mango rhwanayishaga rhwagenda.

Ezra 8:31 ပူးပေါင်းရင်းမြစ်များ

Ezra 7:28

Na owarhumaga nkundwa na mwâmi n’abahanûzi bâge n’abasirika bâge boshi banagwêrhe obuhashe. Nâni nacisêza bulya okuboko kwa Nyamubâho Nyamuzinda wâni kwo nayegemîre, nakaz’ishûbûza abarhambo b’Israheli nti ngende nabo.

Ezra 7:9

Mwâli omu lusiku lurhanzi lw’omwêzi gwa burhanzi mwo arhangiraga okurherema arhenga e Babiloni, kandi mwâli omu lusiku lurhanzi lw’omwêzi gwa karhanu mwo ahisire aha Yeruzalemu, erhi okuboko kwa Nyamuzinda kuyunjwîre minjà kummulikwo.

Ezra 8:15

Nabashûbûliza aha lwîshi luhululira olunda lw’Ahawa, rhwanacitwa icumbi, aho nsiku isharhu. Erhi mbà namalolêreza olubaga loshi, n’abadâhwa, ntabonagamwo owankaderhwa mwene Levi.

Izaya 66:14

Mwabona okwôla, omurhima gwinyu guyunjule mwishingo; amavuha ginyu, nka kula olubala luyâsa, kwo nago gayâsa. Okuboko kwa Nyakasane kwamanyisibwa omu barhumisi bâge, n’obukunizi bwâge omu bashombanyi bâge.

Ebijiro 25:3

banamuhûna mpu abafe lukogo, arhegeke balêrhe Paolo e Yeruzalemu. Bali bamulingîre omu njira mpu bamuyîrhe.

Ebijiro 26:22

Ci, oku burhabâle bwa Nyamuzinda, kuhika ene kuhamîriza ncihamîriza oku barhò n’abakulu, na ntà cindi nyigîriza okuleka birya byàdesirwe n’abalêbi na Mûsa mpu byânabè;