Ezra 7:10 - BIBLIYA NTAGATIFU OMU MASHI

¹⁰ N’okwo ali ebwa kubà Ezra ali n’obushiru bw’okumanya Akanwa ka Nyamubâho, oku kushimba, n’okuyigîriza omw’Israheli amarhegeko n’engeso z’ecihugo.

Ezra 7:10 ပူးပေါင်းရင်းမြစ်များ

1 Nganîro 29:18

Yâgirwa Nyakasane, Nyamuzinda wa ba shakulûza bîrhu Abrahamu, Izaki na Yakôbo, oyêmêre olubaga lwâwe lukaziyôrha lugwêrhe obwo bwôrhere bwinjà omu murhima, enkengêro zâlwo zikaziyôrha zikuyêrekîre wêne ensiku zoshi.

2 Nganîro 12:14

Ayîma kubî, ebwa kubà arhacihanaga n’omurhima gwâge omu kulongereza Nyamubâho.

2 Nganîro 19:3

N’obwo muli we mwabonekîne ebiri binjà, bulya waherêrekize omu cihugo ebyali by’enshusho za Ashera, wanacîhangâna n’omurhima gwâwe okulongereza Nyamuzinda.»

2 Nganîro 30:22

Yezekiyahu aderha ebinwa by’okusîmîsa abaleviti bakazâgikolêsa obukengêre bwâbo boshi omu mukolo gwa Nyamubâho. Balya embâgwa z’olusiku lukulu, nsiku nda zoshi, bakazirherekêra enterekêro z’omurhûla n’okukuza Nyamubâho, Nyamuzinda wa b’îshe wâbo.

Ezra 7:11

Alaga amaruba mwâmi Artazerzesi ahâga Ezra mudâhwa na mwandisi muhugûzi w’ebinwa by’Irhegeko lya Nyamubâho, na ngasi gandi marhegeko gâge gayêrekîre Israheli.

Ezra 7:25

Nâwe Ezra, omu kukulikira obwenge Nyamuzinda wâwe akuhizire omu nfune, osinge abatwî b’emmanja, abarhambo barhambula olubaga loshi lunali eyo ishiriza ly’olwîshi, ngasi banamanyire amarhegeko ga Nyamuzinda wâwe, onagayigîrize abarhagayishi.

Ezra 7:6

Oyu Ezra anacisôka kurhenga e Babiloni. Ali mwandisi omanyîrîre enyigîrizo za Mûsa, ezi Nyamubâho, Nyamuzinda w’Israheli ahânaga yêne. Kulya kubà okuboko kwa Nyamuzinda kwàli kuli ye, mwâmi anamuyêmêrera ngasi ebi anahûnaga byoshi.

Ayubu 11:13

Mâshi yâga, rhimanya bwinjà kulusha, lambûla amaboko ogayêrekeze enyanya emunda ali.

Ennanga 1:2

Arhasîmisibwa n’agarhali marhegeko ga Nyamuzinda, anagerêreza ago marhegeko bwacà-bwayira.

Ennanga 10:17

Yâgirwa Nyamuzinda, oyumvîrhize omwîfinjo gw’abîrhôhye; ozibuhye emirhima yâbo onayirhege okurhwiri.

Ennanga 119:112

Nagombize omurhima gwâni nti ebi orhegesire omu marhegeko gâwe, gubikole bwinjinjà ensiku n’amango.

Ennanga 119:45

Nkazigera omu njira ngali, bulyâla amarhegeko gâwe kulongereza ngalongereza.

Ennanga 19:7

Lishoshôkera oku mpekà y’emalunga, lihike bulibirha oku yindi mpekà, na ntâco cankacîfulika idûrhu lyâlyo.

Ennanga 57:7

Bayansire bàntega omulabarha: omûka gwâni baguhorhaza; bampumbira enyenga balya bakayigwamwo.

Malakiya 2:7

Nêci, guli mukò­lo gwa mudâhwa okuyigîriza abantu bamanye Nyamuzinda, omudâhwa ye abantu bayishikamudôsa amarhegeko bashimba, bulya ye mujà-bugo wa Nyakasane w’Emirhwe.

Mateyo 5:19

Owakûle hirhegeko higuma muli aga manyinyi bwenêne, akayigîriza abantu okujira ntyo, ye wayish’ibà murhò omu Bwâmi bw’empingu; ci owagashimbe akanagayigîriza, oyo ye wayish’ikuzibwa omu Bwâmi bw’empingu.

Mateyo 7:24

“Oyumvîrhe ezi nderho zâni akanazishimba, bayish’imushushanya omuntu ocîrhonda, owayûbakaga enyumpa yâge okw’ibuye”.

Yowane 13:17

Mukamanya ebyo mukanabijira, mwâbà bany’iragi.

Ebijiro 1:1

Omu citabu câni cirhanzi, wâni Teofili, naganîre byoshi ebi Yezu ajizire anayigîriza kurhenga omurhondêro

Lushika 16:12

Okazikengera oku wali mujà e Mîsiri: olange onakulikire aga marhegeko.

Lushika 33:10

Banayigîrize Yakôbo engeso zâwe, na Israheli Olushika lwâwe. Banasôkeze omugî emund’oli, badêkereze n’enterekêro oku luhêrero lwâwe.

1 Timoteyo 3:2

Lungere akwânîne abè muntu mwêru-kwêru, owajire omu buhya liguma lyône; arhabaga mudâdà, ci abè murhondêza na mukengwa; abè muntu oyîsh’ihandîsa ebigolo n’owankahash’ibiyigîriza;

2 Timoteyo 4:2

oyigîrize oluderho lwa Nnâmahanga, basîme erhi babè barhasîmiri, obabwîre, obayâgirize, okalihe, ohanûle, omu butûdu n’omu bushiru bw’okuyigîriza.

Tito 2:1

Ci wêhe okâyigîriza ebishingânîne enyigîrizo z’okuli.

Tito 2:15

Kwo wakaderha ntyo, kwo wanakâyigîriza n’okuhanûla n’obuhashe wahîrwe bwoshi. Ntâye oderhage mpu akugayaguza.

Mafulûlo 22:14

«Iragi lyâbo abashuka emyambalo yâbo, lyo balya oku murhi gw’obuzîne, bahîrwe oluhyà, banagerere omu mihango, bajè omu lugo.

1 Samweli 7:3

Samweli anacibwîra bene Israheli boshi, erhi: «Akabà munayagalukire Nyamubâho n’omurhima gwinyu goshi, murhenzagye ekarhî kinyu banyamuzinda b’ahandi na ba-Astarte. Ci muyêrekeze Nyamubâho omurhima gwinyu munamukolere yênene, lyoki ankamulîkûza oku Bafilistini».