Ezra 4:7 - BIBLIYA NTAGATIFU OMU MASHI

⁷ N’omu mango g’Artazerzesi, Bishilamu, Mitredati, Tabeeli n’abâbo boshi banaciyandikira Artazerzesi mwâmi w’e Persi amaruba omu Ciharamiya.

Ezra 4:7 ပူးပေါင်းရင်းမြစ်များ

2 Bâm 18:26

Eliyakimu, mugala wa Hilkiyahu, Shebuna na Yowahi babwîra omurhabâzi mukulu w’olugerêro lw’abalwî mpu: «We kasinga okazibwîra bambali bâwe omu lulimi lw’eciarameyo bulya kuyumva rhuluyumva, orhacikazigirhubwîra omu cihebraniya n’olu lubaga luli omu mbaraza lwayumva».

Ezra 4:1

Erhi abashombanyi ba Yûda na Benyamini bayumva oku balya bantu barhengaga emunda bali balulizîbwe bakola badwîrhe bayûbaka aka­ Nyamuzinda ka Nyamubâho w’Israheli,

Ezra 4:17

Mwâmi agalula eri ishuzo: emw’omurhambo Rehumu, n’emwa Shimeshayi owali mwandisi n’emw’abâbo boshi banabà e Samâriya n’omu bindi bihugo binabà olundi lunda lwa Efrata, erhi: murhûla!

Ezra 4:8

Omurhambo Rehumu n’omwandisi Shimeshayi banaciyandikira Artazerzesi amaruba gali gadesire ntya oku biyêrekîre Yeruzalemu.

Ezra 4:9

Mpu rhwono: Rehumu, ye oligi murhambo, na Shimeshayi, ye mwandisi n’abâbo; abacîranuzi, abajà-bugo n’abakozi; ab’e Huruki, ab’e Babiloni, ab’e Suza, bo baligi b’e Elamu,

Ezra 5:6

Empamîso ly’ago mamba Tatenayi ye waligi murhambo w’ishiriza ly’olwîshi lwa Efrata n’abâbo Shetarboznayi n’abâbo b’e Arfasaka babaga ishiriza ly’o lwîshi lwa Efrata yanacihika kuli mwâmi Dariusi.

Ezra 7:1

Enyuma ly’aho, amango Artazerzesi àli mwâmi w’e Persi, Ezra mugala wa Seraya, mugala w’Azarya, mugala wa Hilkiya,

Ezra 8:36

Banacimanyîsa galya marhegeko ga mwâmi, oku barhambo n’oku bandi bakulu banali ishiriza lya olwîshi; nabo banarhabâla olubaga kuli ako ka-Nyamuzinda.

Nehemiya 2:1

Omu mwêzi gwa burhanzi, mwâka gwa kali makumi abiri kurhenga Artazerzesi ali mwâmi, erhi nie w’okurheganya idivayi, nanacilihâ mwâmi. Erhi ntasâg’ibà burhè bundi.

Izaya 36:11

Eliyakimu, mwene Hilikiya, Shebuna na Yowahi banacibwîra omurhambo w’olurhambà, mpu: «Oderhêze bambali bâwe omu maharamiya, bulya rhunagayumve, ci omanye orharhuderhezagya omu mayahudi, olu lubaga luli oku lukûta lwankayumva».

Daniyeli 11:2

Bunôla nkolaga nakubwîra eby’okuli. «Lolà oku bâmi basharhu banacizûka omu Persi; owa kani ali agwêrhe obugale bulushire anali wa buhashe bunji erhi obwôla bugale bwâge burhuma, akusakusa abà anali agwêrhekwo obuhashe boshi mpu bajilwa e Bugereki.

Daniyeli 2:4

Abà-Nyakaldeya banacishuza mwâmi omu lulimi lw’eciharameya mpu: «Yâgirwa mwâmi, olame ensiku zoshi! Bwiraga bambali bâwe ecôla cilòôrbo, nîrhu rhwanakuhugûliraco».