Ezra 4:24 - BIBLIYA NTAGATIFU OMU MASHI

²⁴ Okubundi obwo bayîmanza okwo kukola oku ka-Nyamuzinda aha Yeru zalemu; kwanaciyîmanzibwa ntyo myâka ibirhi kurhenga okuyîma kwa Dariusi mwâmi w’e Persi.

Ezra 4:24 ပူးပေါင်းရင်းမြစ်များ

Ezra 3:8

Omu mwâka gwa kabirhi kurhenga banahisire aha nyumpa ya Nyamuzinda aha Yeruzalemu omu mwêzi gwa kabirhi, Zorobabeli mugala wa Shealtieli na Yozwè mwene Yosadaki n’abandi bene wâbo banalibasigîre, abadâhwa n’Abaleviti n’abandi boshi banarhenga emunda bali bahêsirwe bujà kujà e Yeruzalemu, barhondêra okuyîmika Abaleviti ba kurhenga myâka makumi abirhi na kujà enyanya mpu bagendêse bwinjà emikolo y’enyumpa ya Nyakasane.

Ezra 4:23

Okubundi erhi ago maruba ga mwâmi Artazerzesi gasomwa embere za Rehumu, Shimeshayi ye wali mwandisi, boshi haguma n’abâbo balîkûlira duba duba e Yeruzalemu emw’Abayahudi, babayimangiza emikolo n’obukali n’emisî.

Ezra 4:5

Banacihongera abahanuzi babî mpu bakahà olubaga amahano mabî lyo balek’iyûbaka. Banacijira ntyo omu mango mwâmi Sirusi w’e Persi anali oku ntebe goshi kuhika omu kuyîma kwa Dariusi naye mwâmi w’e Persi.

Ezra 5:1

Abalêbi Hageyo na Zakariya, mwene Ido, banacimanyîsa Abayahudi b’e Buyahudi n’ab’e Yeruzalemu ebinwa by’obulêbi bya Nyamuzinda w’Israheli bâli badwîrhe.

Ezra 5:5

Ci isù lya Nyamuzinda lyàli oku bashamuka b’Abayahudi; barhanahash’igibacîka okuyûbaka kuhika omwanzi gwahika kuli Dariusi na kuhika babà galulira amaruba kuli okwo.

Ezra 6:1

Okubundi, mwâmi Dariusi anacirhegeka mpu bagend’ifûkula embîko bakazâg’ibîkiramwo ebirugu aha Babiloni.

Ezra 6:14

Nabo balya bashamuka b’Abayahudi banacirhondêra okuyûbaka n’omukolo gwâbo gwababêra, bulya bali bayimangîrwe n’abalêbi Hageyo na Zakariya mwene Ido. Banaciyunjuza nka kulya Nyamuzinda w’Israheli anarhegeka na Cirusi, na Dariusi, na Artazerzesi, mwâmi w’e Persi.

Ezra 6:15

Eyo nyumpa bayibumba omu nsiku isharhu z’omwêzi gw’Adari, omu mwâka gwa kali ndarhu kurhenga Dariusi ali mwâmi.

Nehemiya 6:3

Nalika entumwa, zagend’ibabwîra, erhi: «Niono omukolo gwankayimanzibwa ebwa kubà namayandagalira emunda muli?»

Nehemiya 6:9

Bulya boshi bakazâg’ilonza okurhuyôbohya, bakaz’iderha, mpu: «Nkaba hali amango amaboko gâbo gankaleka ogwo mukolo, gurhanacibè. Buno Yâgirwa Nyamuzinda ohè amaboko gâni emisî».

Ayubu 20:5

Oku obushagaluke bw’enkola-maligo bubà bunyi, n’oku amasîma gw’omuntu mubî gabà ga kasanzi kasungunu?

Daniyeli 11:2

Bunôla nkolaga nakubwîra eby’okuli. «Lolà oku bâmi basharhu banacizûka omu Persi; owa kani ali agwêrhe obugale bulushire anali wa buhashe bunji erhi obwôla bugale bwâge burhuma, akusakusa abà anali agwêrhekwo obuhashe boshi mpu bajilwa e Bugereki.

Daniyeli 9:25

Omanyage onayumve okwôla: kurhenga ligenzire irhegeko ly’okuyûbaka kandi Yeruzalemu kuhika Omushîgwa ayishe, ye murhwâli, eri migobe nda; n’omu migobe makumi gali ndarhu n’ibirhi olugo lwashub’iyûba­kwa, okuyinjihya engo n’okuhûmba omwîna, n’okwôla erhi banali omu mirhanyo y’amango.

Haggeyo 1:1

Omu mwâka gwa kabirhi gw’obwâmi bwa Dariusi, mwêzi gwa ndarhu, omu lusiku lurhanzi lwâgwo, akanwa ka Nyamuzinda kahêkwa n’omulêbi Hageyo emwa Zorobabeli mwene Shalatieli, murhambo w’e Yûda, n’emwa Yozwè, mwene Yehosadaka, mudâhwa mukulu, kaderha ntya:

Haggeyo 1:15

Ago mango zàli nsiku makumi abirhi n’ini z’omwêzi gwa ndarhu, mwâka gwa kabirhi gw’obwâmi bwa Dariyusi.

Haggeyo 2:15

Mugerêrezagye buno omu murhima gwinyu, kurhengera ene na kuhika amango gâyisha. Erhi barhacihira ibuye oku lindi ly’aka-Nyamuzinda,

Haggeyo 2:18

Mugerêrezagye buno omu murhima gwinyu, kurhengera ene na kuhika amango gâyisha, (kurhenga omu nsiku makumi abirhi n’ini z’omwêzi gwa kali mwenda, kurhenga olusiku bahumba eciriba c’aka-Nyamuzinda, mulâbe bwinjà)

Zakariya 1:1

Omu mwâka gwa kabirhi gw’obwâmi bwa Dariyusi, mwêzi gwa kali munâni, akanwa ka Nyakasane kanacirhindakwo omulêbi Zakariya, mugala wa Barakiya mwene Ido.

1 Batesalonika 2:18

Rhwanacilalira okujà e­mwinyu; nie ono Paolo nakuhizire kanji, ci shetani akarhutwîra omu majira.