Ezra 4:12 - BIBLIYA NTAGATIFU OMU MASHI

¹² Mwâmi amanye oku balya Buyahudi bayinamukaga emwâwe, barhurhinzirekwo hano Yeruzalemu; bakola badwîrhe bayûbaka lulya lugo lubà cikanyi cirhagomba, lukaliha bwenêne; bakola badwîrhe bayîmanza enkûta n’okuzibuhya buhyâhya eciriba câlo.

Ezra 4:12 ပူးပေါင်းရင်းမြစ်များ

2 Bâm 18:20

“K’ocîkebirwe mpu ebinwa kône, byanagererwa oku ihano n’oburhwâli bw’okujira amatabâro? Indi olangâlîre obu wangomîre?.”

2 Bâm 24:1

Muli agôla mango Nabukondonozori mwâmi w’e Babiloni, ayimuka akola ajà alwa, Yehoyakimu anacimushiga ci buzinda acîhindula kuli ye.

2 Nganîro 36:13

Acîhindula kuli mwâmi Nabukondonozori, owamulahirizagya oku izîno lya Nyamuzinda; abà wa cikanyi cirhagomba, azibuhya omurhima gwâge nk’ibuye, omu kubula kwagomôkera Nyamubâho, Nyamuzinda w’Israheli.

Ezra 4:11

Alaga ago maruba barhumiraga mwâmi Artazerzesi mpu: «Bambali bâwe abayûbaka olundi lunda lw’Olwîshi lwa Efrata.

Ezra 4:15

Bagend’ilongereza omu bitabu by’okukengêza bya basho wanamanya oku olwo lugo lubà cikanyi cirhagomba, lwalibuzize abâmi n’abaluzi; wabona oku kurhenga mîra erhi kugoma banagoma.

Ezra 4:19

Nahânyire irhegeko, banajà bafûkula, banashanga oku nêci kurhenga mîra olwo lugo lurhahusa kugomera abâmi, n’oku banajamwo enshumishumi n’okucîhindula dubaduba.

Ezra 5:3

Muli ago mango, gonênè, Tatenayi, ye waligi murhambo w’ishiriza ly’olwîshi lwa Efrata, Shetarboznayi n’abâbo, banacijà emunda bali, banacibadôsa mpu: Ndi wabahâga obuhashe bw’okuyûbaka eyi nyumpa n’okuyîmanza ezîra nkuta?

Ezra 5:9

Lêro obwo rhwanacidôsa abo bashamuka, rhwababwîra ntya nti: Ndi wabahâga obuhashe bw’okuyûbaka eyi nyumpa n’okuyîmusa ezi nkuta?

Nehemiya 1:3

Banacinshuza, mpu: «Balya barhengaga bujà b’emisigala, n’abandi bantu barhindibukîre omwo cihugo bajaga, emitungo ya Yeruzalemu yahongosire n’emihango yâge yasingonosire n’omuliro».

Nehemiya 6:6

Bali bayandisiremwo ntyâla, mpu: «Omwanzi gwagera omu mashanja goshi n’emwa Geshemu, boshi banadwîrhe bahamîriza oku we n’Abayahudi muli omu muhigo gw’okugoma, mpu co cirhumire mushub’iyûbaka olugurhu n’oku we wayîsh’ibà mwâmi wâbo.

Esteri 3:8

Okubundi Hamani anacibwîra mwâmi Asuerusi, erhi: «Omu mirhundu y’ecihugo câwe coshi muli olubaga lulumîre kuli ngasi murhundu, luyôrha luciyungwîre oku bandi bantu ba olubaga lwâwe, bajira gâbogâbo marhegeko galya garhali g’olubaga loshi ciru barhashimba amarhegeko ga mwâmi. Kurhakwânîni mwâmi alembere bantu ba bene abôla.

Yeremiya 52:3

Ebyabîre ago mango e Yeruzalemu n’omu bwâmi bw’e Yûda byasholoshonza obukunizi bwa Nyakasane, lêro naye akabulira olubaga lwâge kuli bwenêne naye. Sedekyahu agomera mwâmi Nabukondonozori w’e Babiloni.

Daniyeli 3:8

Kuli okwôla, baguma omu Banya-Kaldea bayisha balishobeka Abayahudi.

Daniyeli 9:25

Omanyage onayumve okwôla: kurhenga ligenzire irhegeko ly’okuyûbaka kandi Yeruzalemu kuhika Omushîgwa ayishe, ye murhwâli, eri migobe nda; n’omu migobe makumi gali ndarhu n’ibirhi olugo lwashub’iyûba­kwa, okuyinjihya engo n’okuhûmba omwîna, n’okwôla erhi banali omu mirhanyo y’amango.

Luka 13:34

«Yeruzalemu, Yeruzalemu! Obu oniga abalêbi n’okubanda entumwa bakurhumirwe amabuye, kanga nalonzize okukumakuma abâna bâwe nka ku­lya engoko eyûbarhira abanangoko bâyo omu byûbi… orhanalonzagya!

Ebijiro 24:5

Oyu muntu, rhwabwîne oku cibà cihûsi: anakahira akavange omu Buyahudi b’omu igulu lyoshi, ye na murhambo w’obugomi bw’Abanazareti.

1 Batesalonika 5:22

Mucîlange oku ngasi coshi ciderhwa cibî.