Ezra 3:4 - BIBLIYA NTAGATIFU OMU MASHI

⁴ Banacikuza olusiku lukulu lw’amahêma, nk’oku binayandisirwe; banakarherekêra ngasi lusiku nk’oku binayandisirwe oku nterekêro ya ngasi lusiku.

Ezra 3:4 ပူးပေါင်းရင်းမြစ်များ

1 Nganîro 16:37

Cazinda Daudi arhegeka Azafi na bene wâbo mpu babêre aha burhambi b’omucîmba gw’endagâno ya Nyakasane, bakazirhumikira embere ly’omucîmba ngasi lusiku nk’oku byanali birhegesirwe.

2 Nganîro 31:16

Kuhirakwo abantu balikola bayandike, kurhenga oku oli myâka isharhu muburhe kujà enyanya, ngasi boshi bakazâgiyisha ebwa ka-Nyamuzinda bakazâg’ihabwa kantu kalebe oku mukolo gwâbo, kulya banagabirwe, n’oku emirhwe yâbo enali.

Lubungo 23:16

Okâjira olusiku lukulu lw’emyâka mirhanzi-rhanzi y’omu maboko gâwe, lw’ebi warhwêraga omu mashwa. N’olusiku lukulu lw’okusârûla, aha buzinda bw’omwâka, amango wahûmbûle amalehe gw’omukolo gw’omu mashwa gâwe.

Lubungo 29:38

Alaga ebi wakazirhûla oku luhêrero: bâna-buzi babirhi ba mwâka muguma ngasi lusiku luja oku nkuba.

Lubungo 5:13

Abarhambo bakazibarhunika, mpu: «Mukaziyusa emikolo yinyu! Mukâyunjuza ngasi lusiku olugero luhûnyirwe! Nk’oku mwanakâgijira amango mwagwêrhe ebyâsi!»

Yeremiya 52:34

Ntyo kwo Yoyakini akagihâbwa na mwâmi w’e Babiloni ngasi byoshi anali àlagîrîrekwo omu kalamo kâge koshi kuhika okufà kwâge.

Ben Levi 23:33

Nyakasane ashub’ishambâza Mûsa amubwîra, erhi:

Mibalè 29:39

Zo nterekêro mwakazirherekêra Nyamubâho ezo oku nsiku nkulu zinyu, buzira kuleka enterekêro z’okuyûkiriza emihigo yinyu n’enterekêro zinyu z’obulonza bwinjà: zo nterekêro z’ensirîra zinyu, enterekêro z’enkalangè zinyu, embulagwa zinyu n’enterekêro z’omurhûla.

Yowane 7:2

Obwo erhi olusiku lukulu lw’Abayahudi, luderhwa lwa Bihando, luli hôfi.

Yowane 7:37

Oluzinda lw’olusiku lukulu, lwo lulushire ezindi, Yezu anaciyimanga, ayâkûza n’izù linene, erhi: «Ngasi ogwêrhwe n’enyôrha, ayishe emunda ndi, anywe;