Ezra 10:44 - BIBLIYA NTAGATIFU OMU MASHI

⁴⁴ Abo boshi bali bayansire abakazi b’ahandi. Babahulusa n’abâna bâbo.

Ezra 10:44 ပူးပေါင်းရင်းမြစ်များ

1 Bâm 11:1

Mwâmi Salomoni aziga bwenêne abakazi b’agandi mashanja okuleka mwâli wa Faraoni mwâmi w’e Mîsiri: Abamowabiti-kazi, Abamoniti-kazi, Abadomiti­-kazi, Abasidoni-kazi, Abahititi-kazi,

Ezra 10:3

Rhushub’igilagana na Nyamubâho Nyamuzinda wîrhu oku rhukolaga rhwagend’ihulusa abo bakazi boshi n’abâna bâbo nka kulya onarhuhanwîre Waliha, mwe na bandi bacirhînya amarhegeko ga Nyamuzinda wîrhu. N’okwo kunabè nk’oku irhegeko lidesire.

Ezra 9:2

Kulya kubà bajir’isheberayo abakazi, kuli bo bônene n’oku bâna bâbo na ntyo olubaga lutagatîfu lwamacîshwêkera kuli ago mashanja g’ebyo bihugo n’amaboko g’abarhambo n’abatwî b’emmanja go gabire ga burhanzi omu kuhenya maligo ga bene ago.

Migani 2:16

Obwîrhonzi bwâkulanga oku mukazi w’embuga, oku mukazi mugenzi n’oku binwa byâge by’olubohôlolo;

Migani 5:20

Mwâna wâni cankarhuma warhebwa n’omukazi mugenzi, cankarhuma wâziga wayêgemera ecifuba c’omugera wâgera?

Migani 5:3

bulyâla akanwa k’omugenzi, bûci bwa mukè kâgegena, n’ebinwa byâge byo biyêngûla kulusha amavurha.