Ezra 1:8 - BIBLIYA NTAGATIFU OMU MASHI

⁸ Sirusi, mwâmi w’e Persi, anaciyanka birya birugu byoshi, anacibifumbasa Mitredati ye wali mulanzi w’embîko, naye abigoshôla, byajà emwa Sebasari, ye murhwâli wali oyîmire omu Yeruzalemu e Buyahudi.

Ezra 1:8 ပူးပေါင်းရင်းမြစ်များ

Ezra 1:11

Byoshi haguma ebirugu by’amasholo n’eby’amarhale byàli bihumbi birhanu na magana anni. Sebasari agalukana byoshi erhi balya bâli bahêsirwe bujà e Babiloni bashubira e Yeruzalemu.

Ezra 2:2

Baligi abarhengaga yo na Zorobabeli, Yozwè, Nehemiya, Seraya, Rehelaya, Nahamani, Mordokayi, Bilshani, Mispar, Bigwayi, Rehumu, Bânâ: omuganjo gw’olwo lubaga lwa bene Israheli:

Ezra 5:14

Kwo na kuguma mwâmi Sirusi anacikûla omu nyumpa y’okuhêrera aha Babiloni ngasi kalugu k’amasholo erhi ka marhale mwâmi Nebukondonozori arhenzagya muli ako ka-Nyamuzinda kali aha Yeruzalemu banakahêka omu luhêro e Babiloni; abihà muntu muguma izîno lyâge ye Sheshbazari, oyu mwâmi ayîmikaga murhambo.

Ezra 5:16

Okubundi obwôla Sheshbazari anaciyisha anagwîka amabuye g’omurhondêro gw’ako ka-Nyamuzinda kali aha Yeruzalemu kurhenga ago mango kuhika buno kuyûbakwa kanayûbakwa, karhanaciyunjula.

Ezra 5:2

Lêro obwo, Zorobabeli mwene Shealtieli, na Yozwè mugala wa Yosadoki, bacîrhulira oku mikolo, bashubirira okuyûbaka aka-Nyamuzinda aha Yeruzalemu. Bali bayimangîrwe n’abo balêbi ba Nyamuzi nda.

Yeremiya 51:44

Nyakasane amanyîsize, erhi: «Namâhana Beli, nyamuzinda w’e Babî­loni; namushaza ngasi byoshi adwîrhe amirangusa. Amashanja gahusa okukazija emwâge? Ecôgo ca Babiloni cahongosire.

Haggeyo 1:1

Omu mwâka gwa kabirhi gw’obwâmi bwa Dariusi, mwêzi gwa ndarhu, omu lusiku lurhanzi lwâgwo, akanwa ka Nyamuzinda kahêkwa n’omulêbi Hageyo emwa Zorobabeli mwene Shalatieli, murhambo w’e Yûda, n’emwa Yozwè, mwene Yehosadaka, mudâhwa mukulu, kaderha ntya:

Haggeyo 1:14

Nyakasane ayunjuza makengu Zorobabeli mwene Shalatieli, murhambo w’e Yûda na Yozwè mwene Yehosadaka, mudâhwa mukulu, n’olubaga lwoshi: bayisha banarhondêra okukola omu ka-Nyamuzinda, Nyakasane w’Emirhwe.