Ezekiyeli 8:6 - BIBLIYA NTAGATIFU OMU MASHI

⁶ Anacimbwîra, erhi: Wâni mwene omuntu, k’obwîne ebibakola bajira? K’obwîne aga magalugalu galushire olugero Ben’Israheli bali bajira hano, mpu lyo bantenza omu ka-Nyamuzinda kâni? Wâcibona kandi agandi magalugalu manene gâkushologosa.

Ezekiyeli 8:6 ပူးပေါင်းရင်းမြစ်များ

2 Nganîro 29:5

anacibabwîra erhi: «Munyumve nâni baleviti! mucîcêse munagendicêsa aka-Nyamubâho, Nyamuzinda wa basho, munarhenze omu hantu hatagatîfu, ngasi bigalugalu byoshi.

Ennanga 78:60

Aleka ecirâlo c’omu Silo obwo, co cirâlo àli agwîsire omu karhî k’abantu.

Migani 5:14

mpu hindi hitya ntahanyagalira aha ngombe, omu ndêko y’abashamuka.

Yeremiya 11:18

Nyamubâho anali erhi antonzire: nayôrha mmanyire! Ago mango, Nyakasane, wanzibûla amasù mpu gabone ebi balimwo!

Yeremiya 23:11

Ciru n’omudâhwa n’omulêbi nabo ziri nkola-maligo, ciru n’omu nyumpa yâni nabuganyiremwo amaligo gâbo, Kanwa ka Nyakasane.

Yeremiya 26:6

“aka ka-Nyamuzinda kwo nakajira kulya najiraga Silo, n’olu lugo nalujira lubè cêrekane cayêreka amashanja goshi g’igulu, kurhi olugo luhehêrerwa”».

Yeremiya 3:6

Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 32:34

“Ci bwenêne, bàlêrha enshusho zâbo omu ka-Nyamuzinda kâni. Bàka­shahula kwoshi bàkahemula”.

Yeremiya 7:17

Nkabaga orhabwîni ebi badwîrhe bakola omu bishagala bya Yûda n’omu mihanda ya Yeruzalemu.

Yeremiya 7:30

Nêci, bene Yûda bakozire ebi nshomba, ye kudesire Nyakasane. Bàgwasize ebikabulirwa byâbo omu ka-Nyamuzinda kaderhwa n’izîno lyâni, mpu bakahemule;

Ezekiyeli 10:18

Irenge lya Nyamuzinda lyarhenga halya muhango gw’aka-Nyamuzinda, lyashubira enyanya lya bakerûbi.

Ezekiyeli 10:19

Bamalahika bashubishanjûla ebyûbi byâbo, bayêrera enyanya ly’igulu erhi nandwîrhe nalola oku bagenda, n’emizizi nayo kwo na kuguma boshi nayo. Banacigend’iyîmanga aha muhango guli olu­nda lw’e buzûka-zûba lw’aka-Nyamuzinda erhi nalirya irenge lya Nyamuzinda linali enyanya zâbo.

Ezekiyeli 11:22

Okubundi bakerûbini banacilambûla ebyûbi byâbo, n’emizizi nayo yarhangira okugenda haguma nabo, erhi n’irenge lya Nyamuzinda w’Israheli liri kuli bwo, oku nyanya lyâbo.

Ezekiyeli 11:23

Irenge lya Nyamubâho lyanaciyimuka, lyarhenga omu lugo, lyagend’iyîmanga oku ntondo eri olunda lw’ebuzûka-zûba lw’olugo.

Ezekiyeli 14:6

Yumvagya, ojibwîra omulala gw’Israheli, erhi: Ntyâla kwo adesire Nyakasane Nyamubâho. Galuki, muleke abôla bazimu binyu, muleke loshi ngasi bijiro binyu bigalugalu,

Ezekiyeli 18:12

owakazilibuza abakenyi n’abarhindibusire, owakazizimba, orhagalula ecikinja ca bene, okazilola oku bazimu, okazijira amabî,

Ezekiyeli 43:8

Bahizire ec’olusò câbo oku c’olusò câni, n’enyumvi z’emihango yâbo oku yâni rhwanaji­ra lukûta luguma ekarhî kâbo na nâni. Banacihemula izîno lyâni n’amabî gâbo bakazâg’ijira; nanacibamalîra omu bukunizi bwâni.

Ezekiyeli 47:6

Anacimbwîra, erhi: Wâni mwene omuntu, k’obwîne? Ashubijà angezageza, omu kugenda n’oku­galuka oku cikwi c’olwôla lwîshi.

Ezekiyeli 5:11

Co cirhumire, ndahîre oku buzîne bwâni, Nyakasane Nyamubâho okudesire, ebwa kubà wahemwîre ahantu hâni hatagatîfu n’amabî gâwe magalugalu, nâni nkola nâmujandika buzira masù ga bwonjo na buzira kubabalira.

Ezekiyeli 8:13

Anacimbwîra kandi, erhi: «Wâcibona ebindi bigalugalu bajira».

Ezekiyeli 8:14

Anacimpeka ebwa muhango gw’aka-Nyamuzinda gudwîrhe gwalola olunda lw’emwênè, nalola oku eyôla munda yali etamîre abakazi, bakazâg’ilakira Tamuzi.

Ezekiyeli 8:7

Anacimpêka omu ndalâlà y’aka-Nyamuzinda. Nanacilolêreza: omurhule gwàli omu lukûta.

Ezekiyeli 8:9

Anacimbwîra, erhi: «Kanya ojemwo, ojilola agôla magalugalu eyôla munda».

Hozeya 5:6

Bahêka ebibuzi n’empanzi zâbo mpu bajilonza Nyamuzinda ci ba­rhâmubone: àbarhenzirekwo!