Ezekiyeli 6:9 - BIBLIYA NTAGATIFU OMU MASHI

⁹ Okubundi obwôla, ngasi bàfumire olufù bamulimwo, bânashubikaz’inkengêra emwa galya mashanja bàjaga emwâbo, bali bantu nâlumîsa omurhima gwandekaga n’amasù gâbo g’obugonyi, agajag’icîshwêkera oku bazimu. Bâkaziyumva olushologorho kuli bwo bônene erhi galya mabî gâbo goshi bajira garhuma.

Ezekiyeli 6:9 ပူးပေါင်းရင်းမြစ်များ

2 Bâm 16:10

Mwâmi Akazi akanya ajà e Damasko, ajiyankirira Tiglati-Pileseri, mwâmi w’e Asîriya. Erhi abona oluhêrero lwàli aha Damasko mwâmi Akazi anacirhumira omudâhwa Uriya enshusho na engero zalo mpu baluyûbake banaluyunjuze loshi.

Ayubu 42:6

Na kandi omu byanshonyi byâni, namâgalula oku naderhaga, nkola nacîyûnjuza omu kucibêrera omu katulo n’omu luvù.

Ennanga 137:1

Erhi rhwabâga rhudahîre oku bikunguzo by’enyîshi z’e Babiloni, yône mirenge rhwakàgidubula erhi kufà Siyoni mungo kurhuma.

Ennanga 78:40

Oku bakaz’imushongeza omw’irungu banamugayikiza omu mpinga wâni!

Izaya 43:24

Ntarhumaga waheza ebirugu byâwe omu kugula omugavu, orhananyîgusagya n’amashushi g’enterekêro zâwe. Ci nie wajizire mujà wâwe n’ebyâha byâwe, wanantamya n’amabî gâwe.

Izaya 63:10

Ci bôhe bamugomera banakuniza Omûka gwâge mwimâna. Lêro anacihinduka mushombanyi wâbo, yêne abatulakwo entambala.

Izaya 64:6

Ntâye ocidwîrhe ayâkûza izîno lyâwe, ntâye ociderha mpu azûka acishwêkere kuli we, bulya wàrhufulisire obusù bwâwe, wànaziga amabî gîrhu garhuyehûkana.

Izaya 7:13

Lêro Yeshayahu amubwîra, erhi: «Yumvagi, wâni bene Daudi! Ka mubwînage oku okurhamya abantu kuli kunyi, obûla mwalonza okurhamya Nnawîrhu Nyamuzinda?

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Yeremiya 3:6

Oku ngoma ya Yoshiyahu, Nyamubâho ambwîra erhi ka wabwîne ebi olya mugoma Israheli akozire? Ajire oku ngasi ntondo elengerîre na hali ngasi murhi mubishi, abàragirayo.

Yeremiya 51:50

“Mugende, murhaciyîmange, mwe mwafulumusire engôrho yâge. Kurhenga eyo munda, mukazigerêreza Nyakasane, muyêrekere omurhima e Yeruzalemu”».

Ezekiyeli 12:16

“Ci naleka baguma muli bo bafù­lumuke engôrho, bashugunuke ecizombo n’ecihûsi lyo bahash’iyish’ikazisha­mbâla agôla mabî gâbo emwa agôla mashanja bâja emwâbo, lyo nago gamanya oku nie Nyamubâho”».

Ezekiyeli 16:43

Ebwa kubà orhacikengêraga oku nsiku z’amango g’oburhò bwâwe, ebwa kubà orhahusagya kunjira burhè, lolà oku nâni nkolaga nâkubarhuza olwôla lugendo lwâwe lubî, aha irhwe lyâwe, kwo adesire Nyakasane Nyamubâho. Ka orhacîbonesagya nshonyi erhi ebyôla bijiro byâwe bigalugalu birhuma?

Ezekiyeli 16:61

Olunda lwâwe, wâkazikengêra olugendo lwâwe, enshonyi zikubumbe mango wâbona oku nâyanka bâli binyu, abakulu n’abarho, kandi nkuhè bo nti bakola bâli bâwe n’obwo ntà ndagâno yali ensêzize okukujirira ntyôla.

Ezekiyeli 16:63

lyo okaziyôrha wayîbuka, enshonyi zikugwârhe, n’omukucihaba oku wajira, kubè kuhulika ohulika amango nâbà namakubabalira ngasi mabî wanajizire, kwo adesire Nyakasane Nyamubâho.

Ezekiyeli 20:24

Bulya barhashimbaga engeso zâni, bajandisire amarhegeko gâni banahemukira ensiku zâni za Sabato, n’amasù gâbo gacishwêkera oku bazimu ba b’îshe wâbo.

Ezekiyeli 20:28

Kurhanarhumaga obwôla ntabahisa muli cirya cihugo nalagânaga n’endahiro oku nâbahà co. Babwîne­ mwo orhurhondo rhwa ngasi lubero rhulengerîre, emirhi ya ngasi lubero eyu­njwîre byâsi, banagend’irhererekêrerayo, banahânirayo entûlo zâbo z’oku­nshologosa, banadêkereza ho obukù bwâbo bw’okurhûliriza banabulagiraho enterekêro yâbo y’embulaga.

Ezekiyeli 20:43

Eyôla munda yo mwanashubikakengêra olugendo lwinyu na kuli birya bijiro binyu bigalugalu mwacîhemulagamwo, n’aho mwânayumva mucishologorhe mwênene, erhi agôla mabî ginyu mwakazagijira garhuma.

Ezekiyeli 20:7

Nanacibabwîra, nti: Mukabulirage ngasi muguma birya ibala mumêkeza amasù, murhahîraga mukacîhemula n’abazimu b’e Mîsiri, nie Nyamubâho, Nyamuzinda winyu.

Ezekiyeli 23:30

lwo lukudwîrhîre agôla mazibu goshi bulya omu kucihemula n’amashanja, wacizinza n’abazimu bâbo.

Ezekiyeli 5:13

Lêro obwo, obukunizi bwâni bwânarhimukwa n’oburhè bwâni bwânarhûlirira kuli bo bulya namâcîhôla; ntyo banamanya oku niene Nyamubâho, nie nahigaga ntyo erhi lûji lurhuma, nâbayûkizakwo oburhè bwâni.

Ezekiyeli 6:10

Ntyo, banamanya oku nie Nyamubâho: Nakudesire, n’ebinderha birhabà bya busha, oku nâbakolera amaligo.

Ezekiyeli 7:16

Abankaderha mpu bayâka bakola bayâkira oku ntondo, nka ngûkù zarhenga omu rhubanda, nâyish’ibanigûliza eyôla munda boshi, ngasi muguma erhi mabî gâge garhuma.

Hozeya 11:8

Efrayimu, kurhi nankakulcka, kurhi nakuhana, Israheli? Kurhi na­ nkakujira aka Adma, nkujire nka Seboyimu? Omurhima gwamampindamuka omu cifuba, obulà bwamànjuguma.

Amosi 2:13

Niehe nkolaga nammubamba oku idaho, kula engâlè babumbire mîha ya mihuli ya ngano eyôrha aha eri.

Mikeyo 5:13

Ago mango lyo nâkûla emitungo-nyamwegemerwa omu cihugo câwe, nsherêze n’ebishagala byâwe.

Zakariya 10:9

Nabashandâzize omu mashanja nka kula banamira emburho, cikwône bâkaz’inkengera mw’ebyo bihugo by’ihanga. Bâlama eyo munda baguma n’abâna bâbo, buzinda babuligaluka.

Mibalè 15:39

Mwabà ntyo n’obushemberêre; omu kubulolakwo, mwanakengêra galya marhegeko ga Nyamubâho goshi lyo mugashimba; mumanye mwankakulikira enyifinjo z’emirhima yinyu erhi ez’amasù ginyu gakazimukululira ebwa kujira kubî.

2 Petro 2:14

Amasù gâbo gayunjwîre bugonyi, na ntà mango amîru gâbo g’ecâha gayigurha; banagwârhire abantu barhazibuhiri omu mirhego yâbo, n’emirhima yâbo magene g’eby’en’igulu byône eyishi, bali mihera!