Ezekiyeli 6:6 - BIBLIYA NTAGATIFU OMU MASHI

⁶ Ngasi hoshi muyûbasire, ebishagala byâshandâla, empêro zinyu zahenangu­lwa, lyo empêrero zinyu zishandâzibwa bananyâge ebiri kwo byoshi, lyo abazimu binyu bajonjagwa banahirigirhe n’ebîko binyu muyôkeramwo enshangi bihashisherêzibwa na ntyo eby’obushanja bwinyu bihirigirhe.

Ezekiyeli 6:6 ပူးပေါင်းရင်းမြစ်များ

1 Bâm 14:23

Nabo bayûbaka empêro omu birhwa, bagwîka amabuye n’orhugombe oku ngasi hirhondo n’idako lya ngasi murhi mubishi.

Ennanga 115:8

Ababitula babishushe, ngasi boshi babihirakw’omurhima babishushe.

Izaya 1:31

Omuntu muzibu alembaguka nka bwâso n’omukolo gwâge gubè nka nkunyekunye: byombi byasingônokera haguma, na ntâye wâzimya omuliro.

Izaya 2:18

Ci enshusho za banyamuzinda b’obwîhambe zahirigirha zoshi.

Izaya 2:20

Olwo lusiku, abantu banarhôle enshusho z’amarhale n’amasholo za ba­nyamuzinda bâbo b’obwîhambe, zirya bône batulaga mpu bakâz’iziharâmya, bâzikwêbe amalindye na bakubukubu,

Izaya 27:9

Nêci, ntyo kw’obubî bwa Yakôbo bwazâzibwa; obwo bwo bunguke abona omu kubabalirwa ecâha câge: amabuye g’oluhêro lwâge goshi agavungunyula gabè nka birabuye bya ngwa! Emitungo y’amahêro n’orhujo rhw’okuyôkera enshangi birhakacifà byabonekîne.

Izaya 6:11

Nanaciderha, nti: «Kuhika mangaci, Yâgirwa?» Anshuza, erhi: «Kuhika engo ziyôrhe bwâmwa, zibule abazibêramwo; kuhika enyumpa ziyôrhe bûmu, buzira muntu; kuhika amashwa gahinduke bwerûle bw’irungu.

Izaya 64:10

Enyumpa yîrhu ntagatîfu n’ey’irenge, mulya balarha bakazâg’ikukuziza, mîra yadûlikagwa muliro, na ngasi buhirhi rhwàgwêrhe bwàherêrekire.

Yeremiya 10:22

Yumva omwanzi! gwo ogwo! Cihôgêro cinene carhenga e mwênè mpu ebishagala bya Yûda bihinduke irungu, bibè lwâkiro lwa banyambwe.

Yeremiya 17:3

«Wâni ntondo yâni y’omu cibandâna, obunguke bwâwe n’obuhirhi bwâwe nabihâna babihagule erhi amabî wakozire omu cihugo coshi garhuma.

Yeremiya 2:15

Entale zamamumokera, zamamulumbira, ecihugo bamâcîhindula bwêrûlè ebishagala byâge bamâbiyôca, birhaciyimbwâmwo muntu.

Yeremiya 34:22

“Nkola nârhegeka, kanwa ka Nyamuzinda akwo, narhegeka bashubitulika amatumu gâbo kuli eci ci­shagala, bashubicilwîsa, baciyanke, bacitwânirekwo n’omuliro. Buzinda emirhundu ya Yûda yoshi ecîbêre kahûmbwè karhalimwo hyadunda”».

Yeremiya 51:18

Bibà bintu birhagwêrhi kalamo, bintu birhagwêrhi nda na mugongo. Byanahirigirha amango Nyakasane arhuma obuhanya.

Yeremiya 9:10

Yeruzalemu namujira nsinga ya mabuye, bulumba bwa banyambwe ebishagala bya Yûda nabijira bigûkà birya birhabamwo ndi.

Yeremiya 9:11

Mugula ohi wakayumva ebyo? Na kandi, ôhi Nyakasane abibwîzire mpu abimanyise abandi? Cirhumirage ecihugo cishâbwa. Cinayôcibwa nka mpinga erhagerwamwo na muntu?

Yeremiya 9:19

Mwe bakazi muyumvagye akanwa ka Nyakasane amarhwîri ginyu gajemwo oluderho lw’ekanwa kâge. Muyigîrize bâli binyu olu lwimbo lw’endûlù: muyigirizanye mwêne na nene olu lwimbo lw’endûlù.

Ezekiyeli 12:19

“Wânabwîra olubaga lw’omu cihugo, erhi: Ntyâla kwo Nyakasane Nyamubâho abwîzire abantu b’e Yeruzalemu, balya bashandâlaga omu Israheli oku bâkazilya omugati gwâbo erhi banayôbohire, bâkazinywa amîshi gâbo erhi banajuguma, lyo ecihugo na ngasi binabamwo byoshi birhagijakwo akavango k’abantu bayûbasire muli co.

Ezekiyeli 16:39

Nâkuhira omu maboko gâbo, bakola bashanda emisinga yâwe, banahongole empêro zâwe, bâku­nyaga emishangi oyambîrhe n’enjuma zâwe, bakusige mushugunu.

Ezekiyeli 30:13

Ntyâla kwo adesire Nyakasane Nyamubâho. Nâhirigisa abazimu, nârhenza Nofu bo bazimu b’engandabuzi. Murhakaciba muluzi omu Mîsiri. Nâlumîza obôba omu Mîsiri.

Ezekiyeli 35:4

“Engo zâwe nâzijira bigûkà, wâbà cihugo cihagule: na ntyo wânamanya oku nie Nyamubâho”.

Ezekiyeli 5:14

Nâwe wêne, nâkujira bwêrûlè, wâbà embere z’amashanja gakuzongolosire na ngasi bagera boshi.

Ezekiyeli 6:4

Empêrero zinyu zashandwa, ebîko binyu bayôkeramwo enshangi byasherezibwa, abayûbaka kuli mwe boshi nâbahungumula, bânigwa embere z’abazimu binyu,

Ezekiyeli 6:7

Abantu bafunde engôrho bâkazihirima omu karhî kinyu, na ntyo mwânamanya oku ho mbà, nie Nyamubâho.

Hozeya 10:2

Abà bantu bali banywesi kuhika aha nsholo y’omurhima gwâbo. Ba­kolaga bâbarhula omuzigo gw’obubî bwâbo. Nyakasane âshâba e­mpêro zâbo, avungunyule n’amabuye gâbo g’empêro.

Hozeya 10:8

Empêrero z’amabî zâshâbwa, câha c’Israheli: emishûgi n’enyûrhe zâmera oku mpêrero zâbo. Go mango bâkâbwîra entondo, mpu «Murhufunike», n’orhurhondo, mpu: «Murhuhirimirekw».

Ben Levi 26:30

Nâshâbûla empêrero zinyu nyimânike oku ntondo, n’emilunga yinyu mwayûbakiraga izûba, nayivongola, n’ebiru­ nda binyu mbigalike oku birunda by’abôla bazimu binyu b’obusha, n’omûka gwâni gummukabekwo.

Ben Levi 26:31

Engo zinyu naziyôsa bwâmwa, n’empêrero zinyu nazishandâza, ntakanaciyudûkirwa n’obuhumule bw’enshangi zinyu.

Mikeyo 1:7

Ensalamu zâge zoshi zavungunyulwa, n’ensaranga ehembwa zoshi zasingônolwa n’omuliro; ensalamu zâge zoshi nâjira zisherêzibwe. Bulya e­nsaranga ahembwa omu bubaraga bwâge zo àzigulagamwo, zo zanashubibà luhembo lw’obubaraga bwâge.

Mikeyo 3:12

Co cirhumire, obubî bwinyu bwârhuma Siyoni ahinduka ishwa lya kuhingwa, Yeruzalemu abà bigûkà, n’entondo y’akà-Nyamuzinda lyâbà irango lya muzirhu.

Mikeyo 5:13

Ago mango lyo nâkûla emitungo-nyamwegemerwa omu cihugo câwe, nsherêze n’ebishagala byâwe.

Habakuki 2:18

«Kamalo kaci okubinja ensalamu kujira? Binabà bintu bya cûma bya kurhebana kwône. Cankarhuma omuntu acîkubagira abo banyamuzinda barhankahash’iderha na yênene wabatulaga?

Sofoniya 1:18

Oli ensaranga zâbo, oli amasholo gâbo, ntà biguma byâhashibayôkola. Omu lusiku lw’omungo gwa Nyakasane, omu bumvu bwâge igulu lyoshi lyâherêrekera. Bulya anigûza, nêci, aheze abantu boshi omu igulu.

Zakariya 13:2

Olwo lusiku, kwo Nyakasane adesire, nârhenza enshushano z’abazimu omu cihugo na ntâye wâcifè adesire izîno lyâbo. Nâherêrekeza na balya boshi bacîderha balêbi, mpeze n’iralà linyu ly’okuharâmya abazimu.

1 Samweli 5:4

Kandi erhi buca ba­ shubizûkiriza, bashimâna kandi Dagoni akumbire obusù embere z’Omucîmba gwa Nyamubâho, ci kwônene erhi irhwe lya Dagoni haguma n’amaboko gâge gombi atwîsire, erhi na byoshi biri aha muhango oku c’olusò.