Ezekiyeli 5:4 - BIBLIYA NTAGATIFU OMU MASHI

⁴ Kuli orhôla rhuviri wânashubirhôla kwo kandi rhusungunu, orhukwêbe omu karhî k’omuliro ona­rhuyôce. Rhwânagarha muliro.

Ezekiyeli 5:4 ပူးပေါင်းရင်းမြစ်များ

2 Bâm 25:25

Ci konene omu mwêzi gwa nda, Yishimaeli mugala wa Netanya, mugala wa Elishamaʿ w’omu buluzi, ayisha alusîbwe n’abantu Banya-Kaldeya banali boshi naye aha Mispa.

Yeremiya 4:4

Mukembûlirwe Nyamuzinda, mukembûle omurhima gwinyu mwe bantu b’emwa Yûda n’ab’e Yeruzalemu, n’akabà nanga, omungo gwâni kwo gwayâka nka muliro, gwayôkera na ntâye wâguzimya, erhi bubî bw’ebijiro binyu burhuma.

Yeremiya 48:45

Emirhamà y’abajâga bayâka balibirhira omu lwâkiro lwa Hesboni, ci omuliro gwarhenga omu Hesboni, ngulumira yarhenga omu lurhambà lwa Sihoni yafômera amarhama ga Mowabu n’empanga y’iburha ly’olubî.

Yeremiya 52:30

omu mwâka gwa kali makumi abirhi n’isharhu, Nebuzaradani, murhambo w’enganda, kandi ashubiluliza Buyahudi magana gali nda na makumi anni na barhanu. Bayunjula boshi haguma bihumbi bini na magana gali ndarhu.

Ezekiyeli 5:3

Kandi wanashubirholakwo rhundi rhuviri rhusungunu, orhugonyere omu muhiro gw’ecishûli câwe.

Ezekiyeli 5:5

Kandi, wânabwîra omulala gwa bene Israheli boshi, erhi: Ntyâla kwo adesire Nyakasane Nyamubâho, alaga Yeruzalemu nasimikaga ekarhî k’amashanja, âzungulukwa n’ebihugo by’ihanga.