Ezekiyeli 48:29 - BIBLIYA NTAGATIFU OMU MASHI

²⁹ Kwo ciri ntyo ecihugo mwayeshera ecigole omu kuhâna orhushambâla rhw’emilala ya bene Israheli; kw’eri ntyo emyanya yâbo, kwo adesire Nyakasane Nyamubâho.

Ezekiyeli 48:29 ပူးပေါင်းရင်းမြစ်များ

Ezekiyeli 45:1

Irhondo mukagaba ecihugo mukaciyeshera ecigole, mwanaberûlakwo ecihimbi c’ecihugo mwabikira Nyamubâho, kali kashambala katagatîfu. Ecôla cihimbi cibè na bulî bwa makano bihumbi makumi abirhi na birhanu oku bulî n’oku bugali bihumbi ikumi; kâba kashambala katagatîfu nk’oku kanali koshi burhambirhambi.

Mibalè 34:13

Mûsa aha bene Israheli eri irhegeko aderha, erhi: «Eco co cihugo Nyamubâho arhegesire mpu cihâbwe erya milala mwenda haguma na cirya cihimbi c’omulala.

Mibalè 34:2

«Ojirhegeka bene Israheli obabwîre ntya: “Amango mwaja omu cihugo c’e Kanâni, alagi ecihugo mwagendigabânana: Co cihugo ca Kanâni, nk’oku embibi zâge zinali”.

Yozwe 18:10

Yozwè anaciyêsha ecigole kuli bo aha Silo embere za Nyakasane, n’ago mango, Yozwè anacigabira bene Israheli ecihugo nk’oku banali bagabanyikine.