Ezekiyeli 48:10 - BIBLIYA NTAGATIFU OMU MASHI

¹⁰ Ecôla cigabi citagatîfu câmaberûlwa câbà ca badâhwa: olunda lw’emwene cibè ca makano bihu­mbî makumi abirhi na birhanu; olunda lw’ebuzika-zûba ca makano bihumbi ikumi oku bugali; ebuzûka-zûba makano bihumbi ikumi oku bugali; n’olunda lw’emukondwè makano ga bihumbi makumi abirhi na birhanu oku buli: aka-Nyamuzinda ka Nyamubâho kabêra ekâgarhî kaco.

Ezekiyeli 48:10 ပူးပေါင်းရင်းမြစ်များ

Murhondêro 13:14

Nyamubâho anacibwîra Abramu, erhi Loti abà amamurhengakwo, erhi: «Yinamula amasù obone, kurhenga aho oli kujà e mwênè n’emukondwè, kujà e bushoshôkero n’ebuzikiro.

Ezekiyeli 44:28

Alagi âkaba kashambala kâbo: nie nâbà nie kashambala kâbo; murhahîra mukabahà ehi bankayîmamwo omu Israheli, niene nie nâbà byo.

Ezekiyeli 45:4

Câbà cigabi citagatîfu ca ecihugo, câbà ca abadâhwa bâkazikola omu cirhînyiro, abâkaz’iyish’ikolera Nyamubâho; hâbakwânana oku kuyûbakahwo enyumpa zâbo, hâbà hantu hatagatîfu oku cirhînyiro.

Ezekiyeli 48:9

Ecigabi mwaberûlira Nyamuzinda câbà na buli bwa makano bihumbi makumi abirhi na birhanu n’obugali bwa bihumbi ikumi.

Mateyo 10:10

“Murhahagarhiraga nshoho y’e­njira, murhanayambalaga bishûli bibiri; murhayambalaga nkwêrho, murhanafumbarhaga karhi: bulya omukozi akwânîne okuhâbwa eci alya”.