Ezekiyeli 47:8 - BIBLIYA NTAGATIFU OMU MASHI

⁸ Anacimbwîra erhi: Agôla mîshi gadwîrhe gajà ebwa cihugo c’e buzûka-zûba; gayandagalira omu Araba, okubundi gagend’icîkwêba omu nyanja, gânahwera omwôla mîshi g’enyanja lyo gayinjihya agôla mîshi g’enyanja.

Ezekiyeli 47:8 ပူးပေါင်းရင်းမြစ်များ

Lubungo 15:25

Mûsa anacilakira Nyakasane, naye Nyakasane àmuyêreka murhi muguma. Akweba ecihimbi cagwo omu mîshi, n’amîshi gàshuba minjà. Aho ho àbahêraga amarhegeko n’engeso bakaz’isimba. Aho ho àbarhanguliraga.

Izaya 35:1

Irungu n’ebiherabuga bishagaluke, obulambo bwâcishinga bunameremwo akahasi.

Izaya 35:6

Okubundi abakunagizi bakaz’ihama nka kashafu n’olulimi lw’akaduma lubande akabûli. Amîshi gakâhulula omu irungu n’enyîshi zifunûnuke omu bulamho.

Izaya 35:7

Obudaka buyûmûsire bwahinduka ciyanja, n’ecihugo c’enyôrha cishube nshôko ya mîshi. Ahâli hakola ishubûkiro lya banyambwè hamera amasheke n’enfinjo.

Izaya 43:20

Ensimba zânkuza, banyambwe n’enkongôro, bulya nahizire amîshi omw’irungu, n’enyîshi omu bulambo, lyo nkanywêsa olubaga lwâni, omwîshogwa wâni.

Izaya 49:9

onabwîre abashwêke, erhi: «huluki!» n’abâli omu ndunduli y’omwizimya, erhi: «Cîyêrekani!» Bayabukira omu njira, banatwîre akahasi oku rhurhondo.

Yeremiya 31:9

Bayishire balaka, nâni mbadwîrhe nayisha nabarhûliriza. N’abaheka ah’iriba. Omu njira nungêdu elya barhankasârhalamwo. Bulya ndi îshe wa Israheli, na Efrayimu yo nfula yâni.

Malakiya 1:11

Kurhenga ebushoshôkero bw’izûba kuhika ebuzikiro bwâlyo, abantu ba ngasi lubero bayishi obukulu bwâni. Ngasi hoshi hoshi bayôca enshangi oku irenge lyâni, bandêrhere n’entûlo zinkwânîne. Nêci, niono Nyakasane ndesire oku amasha­njà goshi gayishi obukulu bwâni.

Mateyo 13:15

“Omurhima gw’olu lubaga gwahinzire: bafûnisire amarhwîri, banaziby’amasù gâbo, mpu lyo barhayumve n’amarhwîri gâbo, mpu lyo barhacîrhegereze omu murhima, mpu lyo barhahinduke binjà, mpu lyo ntanabafumye”.

Yowane 5:4

Bulya liguma liguma malahika wa Nyakasane akâg’iyandagalira omu maziba n’okushabaganya amîshi. N’erhi amîshi gabaga gabirunduka, owarhangag’ikajamwo ye wanakag’ifuma endwâla yâge.

Lushika 3:17

Araba na Yordani lwâbà lubibi lwâbo, kurhenga e Kinereti kuhika oku nyanja ya Araba, oku nyanja y’omunyu omu marhambi ga Pisiga e bushoshôkero bw’izûba.

Lushika 4:49

na kuli Araba yoshi, ishiriza lya Yordani ebushoshôkero.

Yozwe 3:16

Lêro obwo amîshi gahulula kurhenga enyanya, gayimanga, gajira ecirimbirimbi cigali hantu hanene bwenêne, hôfi n’olugo lwa Adama, oluli aha burhambi bwa Sortani; nago agakazagibungulukira ebwa nyanja y’Araba, yo nyanja y’omunyu, ago mîshi gahuba goshi. N’olubaga lwayikirira aha ishiriza lya Yeriko.