Ezekiyeli 47:19 - BIBLIYA NTAGATIFU OMU MASHI

¹⁹ Olunda lw’emukondwè ali kurhenga kuli Tamari kujà oku lwîshi lwa Meribotti w’e Kadesi gwo mugezi gujire ebwa nyanja nnene. Olwo lwo lunda lw’emukondwè.

Ezekiyeli 47:19 ပူးပေါင်းရင်းမြစ်များ

Ezekiyeli 48:28

Kujà oku lubihi lwa Gadi, kurhenga olunda lw’emukondwè, olwo lubibi lwanahikira e Tamari oku mîshi ga Meriba w’e Kadesi, gwo mugezi gujire ebwa nyanja nnene.

Lushika 32:51

“Kulya kubà arhambêraga mwîkubagirwa omu karhî ka Bene Israheli, oku lw’e Meriba-Kadeshi, omu irungu lya Sini, kulya kubà wabuzire buyêrekana obwimâna bwâni omu karhî ka Bene Israheli”.

Mibalè 34:5

“Kurhenga e Asemoni, olwo lubibi lwahika oku mugezi gw’e Mîsiri, lugendihwêra oku Nyanja”.

Mibalè 20:13

Co cirhuma agôla mîshi gaderhwa mîshi ga Meriba, halya bene Israheli balongôlezagya Nyamubâho, naye anaciyêrekana obuhashe bwâge kuli bo.

Izaya 27:12

Olwo lusiku, Nyakasane ârhangira okuhûla emyâka yâge, kurhenga oku lwîshi lwa Efrata kuhika aha lushûmo lw’e Mîsiri. Ninyu mwâyîsh’ijà mwarhôlagulwa muguma muguma, mwe, bene Israheli.

Ennanga 81:7

Mpu: «Nie nalîkûzagya ecirhugo câwe oku mucîmba, n’okuboko kwâwe nakurhenza oku birhimbiri».

Yozwe 12:3

omu Araba, kuhika eburhambi bw’e buzûka-zûba bw’enyanja ya Kinereti, kuhika oku burhambi bw’e buzûka-zûba bw’enyanja y’Araba, enyanja y’Omunyu, olunda lwa Bet-ha-Yeshimoti; n’olunda lw’e mukondwè omu marhambi g’entondo ya Pisga.

Lushika 33:8

Kuli Levi, aderha, erhi: Ohè Levi e «Urimu» zâwe, n’e «Tumimu» zâwe, ozihe olya muntu wababaliraga, wamanamurhangula aha Masa, erhi wamarhangimujîsa kadali aha burhambi bw’amîshi ga Meriba.

Mibalè 34:3

“Olunda lw’emukondwè, kuli mwe lwâbà irungu lya Sini, kuhika aha Edomu, n’olubibi lwinyu lw’ebuzûka-zûba lwarhenga oku cikwi c’eyo buzûka-zûba bw’enyanja y’omunyu”,

1 Bâm 8:65

Nêci kwo mwâmi Salomoni akuzize olwôla lusiku ntyo haguma na bene Israheli boshi, yali ndêko ya ngabo nyinji yagwârhira oku muhango gwa Hamati oku mugezi gw’e Mîsiri. Bajira olwôla lusiku lukulu embere za Nyakasane Nyamuzinda wîrhu, burhanzi nsiku nda, kandi zindi nda kwo kuderha ikumi n’ini zoshi haguma.

Ezekiyeli 47:10

Oku burhambi bw’agôla mîshi abashâna bâyishikadubira­kwo, kurhenga e Engadi kujà e Engelayimu, bâkaz’iyisha balambulira hwo emilaga yâbo; enfî zâmwo ziri nk’enfî z’omu nyanja nnene, zânaciba mwandu kulusha.

Ezekiyeli 47:15

Alagi olubibi lw’ecihugo: Olunda lw’e­mwênè: kurhenga oku nyanja nnene, kugera ebwa Heteloni kuhika aha muhango gwa Sedadi.

Mibalè 20:1

Bene Israheli, olubaga loshi bahika omw’irungu lya Sini, omu mwêzi murhanzi. Olubaga lwanacihanda aha Kadesi. Ho Miriyamu afiraga ahôla, ho banamubishire.

1 Bâm 9:18

Ayûbaka Baalati na Tadimori omu cihugo ca Yûda olunda lw’irungu.

2 Nganîro 20:2

Bayîshikumanyîsa Yozafati bamubwîra mpu: «Omwandu gw’abantu bakurhabalire kurhenga ebwa Nyanja na Edomu, kurhenga e Sîriya na lolà oku bakola bali e bwa Hasasoni-Tamari, ye oligi Engedi.»