Ezekiyeli 47:16 - BIBLIYA NTAGATIFU OMU MASHI

¹⁶ Hamati, Beroti na Sibrayimu oli oku lubihi lwa Damasi n’oku lubibi lwa Hamati; Haseri-Hatikoni oli oku lubibi lwa Haurani.

Ezekiyeli 47:16 ပူးပေါင်းရင်းမြစ်များ

Murhondêro 14:15

Erhi babà bamâcîgabamwo bikembe bibirhi, Abramu ye n’engabo yâge, bàbarhêra budufu, anabahima abaminika kuhika aha Hoba olunda lw’ebwa murhi gwa Damasko.

2 Samweli 8:8

Omu bishagala bya Hadadezeri biderhwa Betaha na Berotayi, mwâmi Daudi ahagulamwo ebyûma by’amarhale mwandu.

1 Bâm 8:65

Nêci kwo mwâmi Salomoni akuzize olwôla lusiku ntyo haguma na bene Israheli boshi, yali ndêko ya ngabo nyinji yagwârhira oku muhango gwa Hamati oku mugezi gw’e Mîsiri. Bajira olwôla lusiku lukulu embere za Nyakasane Nyamuzinda wîrhu, burhanzi nsiku nda, kandi zindi nda kwo kuderha ikumi n’ini zoshi haguma.

1 Nganîro 18:5

Abaharamiya b’e Damasko bàyisha mpu barhabâle Hadadezeri mwâmi w’e Soba; nabo mwâmi Daudi abahima anabayîrhamwo bihumbi makumi abirhi.

Izaya 10:9

Kalno, ka arhali aka Karikemishi? Hamati, ka arhali aka Arapadi? Samâriya, ka arhali aka Damasko?

Ezekiyeli 27:18

Damasi akazâgiyishirhibûlira emwâwe erhi bunji bwa birugu byâwe burhuma n’obwo obugale bwâwe bwakazîgikulerhera idivayi ly’e Helboni n’amôya g’ebibu­zi by’e Sethari.

Ezekiyeli 47:17

Alaga olubibi lw’olunda lw’enyanja: Haseri-Enoni, olubibi lw’e Damasi, kandi na kujà ebwa nyanja eri olunda lw’emwênè, olubibi lw’e Hamati, lwo lunda lw’e­mwênè.

Ezekiyeli 47:18

Olunda lw’ebuzûka-zûba: luli ekarhî ka Haurani na Damasi, ekarhî ka Gilcadi n’ecihugo c’Israheli, ye Yordani. Mupime kurhenga oku lubibi lw’olunda lw’emwênè kujà ebwa nyanja eri ebuzûka-zûba. Olwo lwo lunda lw’ebuzûka-zûba.

Ezekiyeli 47:20

Olunda lw’e buzika-zûba yâbà enyanja nnene, kurhenga kuli olwôla lubibi kujà ebwa muhango gwa Hamati. Olwo lwo lunda lw’ebuzika-zûba.

Ezekiyeli 48:1

Alaga amazîno g’emilala: kurhenga oku buzindazinda bw’olunda lw’e­ mwênè, omu kujà e Heteloni kuhika aha muhango gwa Hamati, Haseri­ Eneni, olubibi lw’e Damasi kujà olunda lw’emwênè, olunda lw’e Hamati, kubibikanwa n’olunda lw’e buzûka-zûba kandi n’enyanja: mwanya gwa Dani.

Amosi 6:14

“Akabà ntyo, wâni nyumpa y’Israheli, kwo Nyakasane adesire, nkolaga nâkulerhera ishanja lyâkulibuza, kurhenga aha lusò lwa Hamati kuhika oku mugezi gwa Araba”».

Zakariya 9:2

Ciru na Hamati babibikînwe, ciru na Tiri na Sidoni bw’obulenga bunji.

Mibalè 13:21

Basôka, bajà bayenjayenja ecihugo, kurhenga okw’irungu lya Sini kuhika e Rehobu, oku njira yajà e Hamati.

Mibalè 34:8

“mwanatwa olubibi lwinyu kuhika oku ntondo ya Hori: kurhenga oku ntondo ya Hori, mwalukanyanya aha Muhango gwa Hamati, olubibi lwanahika aha Sedadi”.

Ebijiro 9:2

amuhûna amaruba g’okujà omu sinagogi z’e Damasi, mpu akabona abâli mw’eyo Njira, akabà balume, akabà bakazi, abalêrhe bashwêke e Yeruzalemu.