Ezekiyeli 43:1 - BIBLIYA NTAGATIFU OMU MASHI

¹ Okubundi ashubimpêka ebwa muhango guli olunda lw’ebuzûka-zûba.

Ezekiyeli 43:1 ပူးပေါင်းရင်းမြစ်များ

Ezekiyeli 10:19

Bamalahika bashubishanjûla ebyûbi byâbo, bayêrera enyanya ly’igulu erhi nandwîrhe nalola oku bagenda, n’emizizi nayo kwo na kuguma boshi nayo. Banacigend’iyîmanga aha muhango guli olu­nda lw’e buzûka-zûba lw’aka-Nyamuzinda erhi nalirya irenge lya Nyamuzinda linali enyanya zâbo.

Ezekiyeli 40:6

Okubundi anacijà ebwa akabadu k’enyumpa kali kadwîrhe kalola olunda lw’ebuzûka-zûba, anacirherema oku mashonezo gali okwôla kabadu, anacipîma oku c’olusò c’akôla kabadu: lusheke luguma oku bugali na lusheke luguma oku bulîrî; àjira ntyôla oku ngasi lusò.

Ezekiyeli 42:15

Erhi ayûsa okupîma enyumpa, ampêka ebwa muhango gwakazâg’ilola olunda lw’ebuzûka-zûba, anacipîma omu marhambi mwoshi.

Ezekiyeli 43:4

Irenge lya Nyamubâho lyanacija omu nyumpa, lyàgerera muli erya njira ejîre ebwa muhango guyêrekîre ebwa buzûka-zûba.

Ezekiyeli 44:1

Oyo muntu anacimpêka ebwa muhango gw’aka-Nyamuzinda guli embuga, oguyêrekîre olunda lw’ebuzûka-zûba, gwàli guhamisirwe.

Ezekiyeli 44:2

Nyamubâho anacimbwîra, erhi: Olwo lumvi lwâyigulwa, lurhâcihamûlwe, ntâye wâkaz’igerahwo, ebwa kubà Nyamubâho w’Israheli anahagezire; gukaz’iyôrha guli muyîgale.

Ezekiyeli 46:1

Ntyâla kwo adesire Nyakasane Nyamubâho, erhi: Omuhango gw’obu­luli bw’omu ndalâlà ogulola olunda lw’ebuzûka-zûba gwakayôrha guli muyigule omu nsiku ndarhu z’omukolo, ci kuguyigala olwa Sabato; kandi gwanayôrha guli muyigule oku lusiku lw’okubaluka kw’omwêzi.