Ezekiyeli 41:1 - BIBLIYA NTAGATIFU OMU MASHI

¹ Okubundi anacimpêka omu ka-Nyamuzinda, anacipîma emitungo egwêrhe makano ndarhu oku bugali lunda luguma, na gandi ndarhu ga bugali oku lundi lunda bugali bw’ihêma.

Ezekiyeli 41:1 ပူးပေါင်းရင်းမြစ်များ

1 Bâm 6:1

Omu mwâka gwa magana anni na makumi gali munâni kurhenga bene Israheli barhenzire e Mîsiri, omu mwâka gwa kani kurhenga Salomoni ali mwâmi omw’Israheli, omu mwêzi gwa Ziva gwo guligi mwêzi gwa kabirhi, Salomoni ayûbaka aka-Nyamuzinda.

1 Bâm 6:2

Eyôla nyumpa Salomoni ayûbakaga yali egwêrhe makoro makumi gali ndarhu ga bulîri, makoro makumi abirhi ga bugali na makoro makumi asharhu ga burherema.

Ezekiyeli 40:17

Anacimpêka ebwa bululi bwàli buyêrekîre olunda lw’embuga, nalola oku bwàli bugwêrhe ebyumpa byàli bibambire omu bululi bwâbyo; byàli eburhambi bw’obwôla bululi bw’embuga, hali byûmpa makumi asharhu oku bulî bw’ahwôla hantu hali habambirwe.

Ezekiyeli 40:9

Apîma ecizimbêro c’ebwa lusò, càli ca makano munâni, n’emitungo yayo yali ya makano abirhi. Olusò lw’akwôla kabadu lwo lwakazâgija ebwa nyumpa.

Ezekiyeli 41:21

Aka-Nyamuzinda kali kagwêrhe orhubonezo rhw’omuhango rhwàli rhuyûmânîne empande zoshi. N’embere z’Ahatagatîfu, yali agali nka luhêrero lwa mpaho.

Ezekiyeli 41:23

Aka-Nyamuzinda n'Ahatagatîfu mwâli ngasi haguma omuhango.

Ezekiyeli 41:3

Oku bundi anacikanya ajà omu ndalâlà, apîma emitungo y’aha muhango, yali ya makano abirhi oku bugali n’oku bulî gàli makano ndarhu; ebizimbêro by’omuhango: makano nda.

Ezekiyeli 42:1

Olya muntu anacimpêka omu bululi bw’emuhanda olunda lw’emwênè, anacimpêka omu nyumpa eyêrekîre olunda lw’engo n’ebwa nyumpa y’olunda lw’emwênè.

1 Petro 2:5

Ninyu mubè nka mabuye gazîne, mujè omu bûbake bw’enyumpa y’obunya-mûka, muhinduke badâhwa batagatîfu b’okurherekêra enterekêro z’obunya-mûka zasîmîsa Nyamuzinda oku bulagizi bwa Yezu Kristu.

Mafulûlo 21:15

Owakâg’inganîza àli afumbasire olusheke lw’amasholo, mpu ageremwo ecishagala, n’emihango yaco n’ecôgo.

Mafulûlo 21:3

Nayumva n’izù linene lyarhenga ebwa ntebe, lyaderha, erhi: «Alagi ecirâlo ca Nyamuzinda bo n’abantu: akolaga ahanda haguma nabo, babè lubaga lwâge, naye Nyamuzinda yêne abè haguma nabo».

Mafulûlo 3:12

Owânahime, nâmujira ashube mutungo omu luhêro lwa Nyamuzinda wâni, arhakanacihoza okugulu embuga bundi. Nâmuyandikakwo izîno lya Nyamuzinda wâni n’izîno ly’Olugo lwa Nyamuzinda wâni - Yeruzalemu muhyâhya wamanukaga emalunga emwa Nyamuzinda wâni - n’izîno lyâni lihyâhya».