Ezekiyeli 40:9 - BIBLIYA NTAGATIFU OMU MASHI

⁹ Apîma ecizimbêro c’ebwa lusò, càli ca makano munâni, n’emitungo yayo yali ya makano abirhi. Olusò lw’akwôla kabadu lwo lwakazâgija ebwa nyumpa.

Ezekiyeli 40:9 ပူးပေါင်းရင်းမြစ်များ

Ezekiyeli 40:10

Ebyumpa byàli omu kabadu kw’olunda lw’ebuzûka-zûba: bisharhu lunda luguma na bindi bisharhu olu­ndi lunda; byoshi oku binali bisharhu byàli bigwêrhe lugero luguma, kuguma n’emitungo yali kwo yali ya lugero luguma.

Ezekiyeli 40:8

Ashubipîma ecindi cizimbero cijîre ebwa kabadu k’enyumpa, naco càli ca lusheke luguma.

Ezekiyeli 41:1

Okubundi anacimpêka omu ka-Nyamuzinda, anacipîma emitungo egwêrhe makano ndarhu oku bugali lunda luguma, na gandi ndarhu ga bugali oku lundi lunda bugali bw’ihêma.

Ezekiyeli 41:21

Aka-Nyamuzinda kali kagwêrhe orhubonezo rhw’omuhango rhwàli rhuyûmânîne empande zoshi. N’embere z’Ahatagatîfu, yali agali nka luhêrero lwa mpaho.

Ezekiyeli 41:26

Kwàli amadirisha galikwo orhuyungiro, matâke n’emirhanda, gali ngasi lunda ebwa birhebo bya ngasi kabadu n’ebwa rhufômeko rhw’enyumpa, kuguma n’omu mbigabiga.

Ezekiyeli 44:3

Erhi omuluzi ankayisha mpu ajibêra hwo, ebwa kubà ali muluzi, mpu alîre hwo ebiryo by’enterekêro embere za Nyamubâho; oyo muluzi anagerere omu kabadu ka ogwo muhango n’omu kugalukamwo anashubiyisha.

Ezekiyeli 45:19

Abadâhwa bânayanka oku mukò gw’enterekêro oku câha, bânaguhira oku kaboko k’olumvi lw’enyumpa, oku mahembe g’enteberhebe y’oluhêrero n’oku kaboko k’omuhango gw’obululi bw’omu ndalâlà.