Ezekiyeli 40:5 - BIBLIYA NTAGATIFU OMU MASHI

⁵ Nalola oku olukûta lwàli luzongolosire enyumpa olunda lw’embuga omu marhambi mwoshi, n’oyôla muntu àli afumbasire olusheke lw’okujà apîma, lwli lwa makano ndarhu, lwàli lujire lwagererwa oku makano n’oku makoro. Anacipîma obugali bw’obwôla bûbake bwàli lusheke luguma oku bugali, n’oku bulî lusheke luguma.

Ezekiyeli 40:5 ပူးပေါင်းရင်းမြစ်များ

Ennanga 125:2

Kula Yeruzalemu entondo zimugosire, kwo na Nyamuzinda agosire olubaga lwâge buno n’ensiku zoshi.

Izaya 26:1

Muli olwôla lusiku, omu cihugo ca Yûda bayimba, mpu: Rhugwêrhe olugo luzibuzibu! Aluzungulusize olukûta n’ecôgo mpu lyo arhufungira.

Izaya 60:18

Barhakaciyumva akavulindi kaderhwa omu cihugo câwe, nîsi erhi buhaguzi erhi ishâbâbè omu mbibi zâwe, Ebizimbêro byâwe wâbiyîrika erya «Bucire», n’emihango yâwe erya «Bukuze».

Ezekiyeli 41:8

Nanacibona oku eyôla nyumpa omu marhambi mwoshi yali elengerîre n’okusimikira kuli orhwôla rhufômeko. Omusinji gw’orhwôla rhufômeko gwapîma olusheke lugumagumà na makano ndarhu ebwa kahembe.

Ezekiyeli 42:15

Erhi ayûsa okupîma enyumpa, ampêka ebwa muhango gwakazâg’ilola olunda lw’ebuzûka-zûba, anacipîma omu marhambi mwoshi.

Ezekiyeli 42:20

Oku empande zinali inni, ajà apîmayo olugurhu luzizongolosire, lwàli lwa bulî bwa magana arhanu na bugali bwa magana arhanu, lwo lwakazâg’iberûla ahantu hatagatîfu n’ahantu harhali hatagatîfu.

Ezekiyeli 43:13

Alaga ebipîmo by’oluhêrero omu kugera n’amakano; liri ikano n’ecihimbi, lilushire eli bayôrha bapîmamwo: lrhwerhwe liri lya ikano liguma oku burherema n’ikano liguma oku bugali, n’omuliro gwâlwo guzungulusire omu marhambi guli gwa ikano liguma lya kuboko. Yo nsimikiro y’oluhêrero eyôla.

Zakariya 2:5

Kandi oku nagalamula amasù, nanacibonekerwa. Nabona omuntu afu­mbîrhe omugozi gw’okugèra.

Lushika 3:11

(Mwâmi Ogu yêne wali ocisigire omu bûko bwa Barefayimi. Encingo yâge yo era ncingo y’ecûma ebà aha Rabati emwa Abamoniti. Obulî bwâyo bubà bwa makoro mwenda, n’obugali bwâyo buli bwa makoro anni, makoro ga mulume).

Mafulûlo 21:12

Ecôgo c’eco cishagala ciri cinênênè na cirîrî; cigwêrhe mihango ikumi n’ibiri, n’eyo mihango erhi erimwo Bamalahika ikumi na babiri; amazîno gàli gayandisirwe kuli eyo mihango, galyâla mazîno ikumi n’abiri g’amûko ga bene-Israheli.