Ezekiyeli 40:29 - BIBLIYA NTAGATIFU OMU MASHI

²⁹ Ebyumpa byâgo, banabwigorhe bagwo, byoshi byàli bigwêrhe lugero luguma; obwôla bululi bwàli bugwêrhe orhubonezo omu marhambirhambi, kuguma n’akabadu.

Ezekiyeli 40:29 ပူးပေါင်းရင်းမြစ်များ

1 Bâm 7:4

Mwâli byûmpa makumi anni na birhanu, kuli ngasi mulongo kwàli byûmpa ikumi na birhanu. Orhubonezo rhwàli rhwa milongo isharhu, na ngasi hibonezo erhi hiyêrekerîne n’ehyâbo.

2 Nganîro 31:11

Yezekiyahu aderha mpu barheganye ebiyûmpa omu ka-Nyamuzinda, banacibirheganya.

Nehemiya 13:5

ali amamurheganyiza ecumpa cihamu mwo bakazâg’ibîkira burhanzi enterekêro, enshangi, ebirugu, entûlo y’engano, idivayi lihyâhya, amavurha, empongano y’abaleviti, ey’abimbiza, ey’abalanzi b’emihango n’ebi bakazâg’ihôgeza abadâhwa.

Nehemiya 13:9

nanacirhegeka nti bashakûlule ebyumpa, nashubizamwo ebirugu by’aka-Nyamuzinda, ntûlo n’enshangi.

Yeremiya 36:10

Baruki anacisoma omu citabu ebinwa bya Yeremiyahu; mwo bâli omu ka-Nyamuzinda, omu cûmpa ca Gemariyahu, mugala w’omwandisi Shafani, omu ngo eri enyanya, ebwa muhango muhyâhya gw’aka-Nyamuzinda: olubaga lwoshi lwàli luhashiriyumva.

Ezekiyeli 40:10

Ebyumpa byàli omu kabadu kw’olunda lw’ebuzûka-zûba: bisharhu lunda luguma na bindi bisharhu olu­ndi lunda; byoshi oku binali bisharhu byàli bigwêrhe lugero luguma, kuguma n’emitungo yali kwo yali ya lugero luguma.

Ezekiyeli 40:12

Embere z’ebyumpa yali olugurhu lw’ikano liguma ngasi lunda, na ngasi cûmpa càli cigwêrhe makann ndarhu lunda luguma na gandi ndarhu olu­ ndi lunda.

Ezekiyeli 40:16

Kwàli orhubonezo rhw’akayungiro oku byûmpa n’oku nkingi, omu kabadu n’omu mbaraza; orhwo rhubonezo rhwàli rhuzonzire enyumpa yoshi, n’ezo nkingi z’amabuye zàli­mwo emirhanda.

Ezekiyeli 40:25

Omuhango gwàli gugwcerhe orhubonezo rhushushîne n’orhwa akabonezo. Gwàli gugwêrhe makano makumi arhanu oku bulîrî, na makano makumi abirhi n’arhanu oku bugali.

Ezekiyeli 40:33

Ebyumpa byâge, emitungo yâge n’akabadu kâge, byàli bigwêrhe bipîmo biguma; omuhango kuguma n’akabadu kâge byàli kwo orhubonezo omu marhambi mwoshi. Obwôla bululi bwàli bugwêrhe obulî bwa makano makumi arhanu na bugali bwa makano makumi abirhi n’arhanu.

Ezekiyeli 40:36

Yali ebyumpa, emitungo, akabadu. n’orhubonezo omu marhambi mwoshi. Obulî bw’ogwôla bwàli bwa makano makumi arhanu na makano makumi abirhi n’arhanu oku bugali.

Ezekiyeli 40:7

Ngasi cûmpa càli cigwêrhe lusheke luguma oku bugali na lusheke luguma oku bulîrî; ekâgarhî k’enyumpa akazipîma makano arhanu. Olusò lw’akabadu, ebwa cizimbêro cijîre ebwa nyumpa nayo apîmayo lusheke luguma.