Ezekiyeli 40:2 - BIBLIYA NTAGATIFU OMU MASHI

² Mwâli omu kubonekerwa kw’obunyamuzinda, kwanacimpêka omu cihugo c’Israheli, kwanacindêkereza oku ntondo ndîrî bwenêne, na kuli eyôla ntondo kwàli obulî nka bûbake bw’olugo olunda lw’emukondwè.

Ezekiyeli 40:2 ပူးပေါင်းရင်းမြစ်များ

1 Nganîro 28:12

Amuhà kandi n’olugero lwa ngasi byoshi àli alonzize okuyûbaka: ebyôgo by’akà-Nyamuzinda, ebyumpa by’eburhambi bw’ecôgo, ebyumpa bijirirwe okuhiramwo obuhirhi bw’aka-Nyamuzinda n’ebirugu bitagatîfu birherekîrwe Nyamuzinda.

1 Nganîro 28:19

byoshi nka kulya Nyamubâho yênene ànabigerengeranyagya mpu lyo bahash’iyumva omukolo abahûnyire omu kubahà olwo lugero.

Ennanga 48:2

Nyakasane mushâna ali mukulu, akwânîne bamukuze bwenêne omu lugo lwa Nyamuzinda wîrhu.

Izaya 14:13

“K’arhali w’olya wakâg’icidesa emurhima, erhi: Nkola nasôka mpike emalunga, entebe yâni nagend’iyigwîka enyanya ly’enyenyêzi za Nyamuzinda. Naj’ibwârhala oku ntondo y’endêko, emunda mwênè ahêkera!”

Izaya 48:2

Nêci, balimbira izîno ly’ecishagala citagatîfu banayêmêra Nyamuzinda w’Israheli, oderhwa Nyakasane Nyamuzinda w’Emirhwe!

Ezekiyeli 1:1

Omu mwâka gwa makumi asharhu, omu mwêzi gwa kani, omu nsiku irhanu z’omwêzi, erhi ndi ekarhî k’abalulize, oku burhambi bw’olwîshi Kebari, amalunga ganaciyiguka, nabona amalêbi garhenga emwa Nyamuzinda.

Ezekiyeli 20:40

Bulya oku ntondo yâni ntagatîfu, oku ntondo ndîrî y’Israheli, -kwo adesire Nyakasane Nyamubâho, - yo gwayishikazinkolera omulala gw’Israheli goshi oku gunali omu cihugo. ômunda yo nayankira bwinjinjà nanshub’ilongeza yo entûlo zinyu, erya ntûlo yinyu elushire ezindi ntûlo zinyu ntagatîfu.

Ezekiyeli 37:22

Nâbajira bene ishanja liguma omu cihugo, omu ntondo z’Israheli, na mwâmi muguma ye wâbà mwâmi wâbo boshi, barhâcibe mashanja abirhi, barhâcigabanyikanemwo mâmi abirhi.

Ezekiyeli 41:1

Okubundi anacimpêka omu ka-Nyamuzinda, anacipîma emitungo egwêrhe makano ndarhu oku bugali lunda luguma, na gandi ndarhu ga bugali oku lundi lunda bugali bw’ihêma.

Ezekiyeli 43:12

Irhegeko ly’enyumpa yâni lidesire ntyâla: eyûbakwe oku irhwêrhwè ly’entondo, marhambi g’ahôla eyûbakîrwe goshi gabè matagatîfu bwenêne. Lyo irhegeko ly’eyôla nyumpa eryo.

Ezekiyeli 8:3

Anacilambûla okuli nka kuboko, angwârhira oku mvîri; mûka anacinyêhûkana ekarhî k’amalunga n’igulu, ampêka e Yeruzalemu, omu kuyâgânwa na Nyamuzinda, andêkereza aha muhango gw’omu ndalâlà gudwîrhe gwalola olunda lw’emwênè, ahantu bali bahizire omuzimu w’olûji ye onalêrha olûji.

Daniyeli 7:1

Omu mwâka gwa burhanzi gwa okuyîma kwa Baltazari, mwâmi w’e Babiloni, Daniyeli anacijakwo ecilôrho n’okuyaganwa omu bukengêre bwâge erhi ali aha ncingo. Oku bundi anaciyandika ecôla cilôrho. Oku byabîre k’oku:

Daniyeli 7:7

Na buzinda bw’ahôla oku ndwîrhe nalolêreza muli okwôla kubonekerwa budufu, alà oku ensimba ya kani yanaciyisha, nsimba nkali, nsimba ya kuyôbohya na nzibu nzibu bwenêne, yali egwêrhe amîno manene gali nka ga cûma, yanazifonfomera n’okurhôla bihimbi bihimbi n’ebisigîre yanabihonyogola n’amagulu. Yali eshushire kwâyo kwâyo muli ezôla zâbo nsimba z’embere, yanali egwêrhe mahembe ikumi.

Mikeyo 4:1

Amango gayiruka omu nsiku za buzinda, mwâcibone entondo y’akà-Nyamuzinda eri enyanya ly’ezindi elîhe kulusha ezindi ntondo zoshi. Lyo amashanja goshi gâshagamukira emunda eri,

Ebijiro 16:9

Erhi bubà budufu; Paolo ayagânwa: abona omuntu w’e Macedoniya amuyimanzireho anadwîrhe amuyinginga, erhi: «Mâshi, ojè e Macedoniya, oyîsh’irhurhabâla!»

Ebijiro 2:17

Omu nsiku nzinda, Nnâmahanga okudesire, nâlumîza Omûka gwâni oku bantu boshi. Obwo bagala binyu na bâli binyu bânalêbe; abasole bânabonekerwe, n’abashozi bâbone ebilôrho,

Bagalasiya 4:26

Yeruzalemu w’enyanya yêhe arhali mujà, ye nyâmà.