Ezekiyeli 40:10 - BIBLIYA NTAGATIFU OMU MASHI

¹⁰ Ebyumpa byàli omu kabadu kw’olunda lw’ebuzûka-zûba: bisharhu lunda luguma na bindi bisharhu olu­ndi lunda; byoshi oku binali bisharhu byàli bigwêrhe lugero luguma, kuguma n’emitungo yali kwo yali ya lugero luguma.

Ezekiyeli 40:10 ပူးပေါင်းရင်းမြစ်များ

Ezekiyeli 40:11

Apîma obugali bw’omuhango gw’akabadu, bwàli bwa makano ikumi, n’obulî bwàli bwa makano ikumi n’asharhu.

Ezekiyeli 40:21

Eyo munda yali byûmpa bisharhu lunda luguma na bindi bisharhu olundi lunda; emitungo y’obwôla bululi n’ehy’olusò byâge byàli bigwêrhe lugero luguma n’ebyumpa by’akabadu ka burhanzi: makano makumi arhanu oku buli na makano makumi abirhi n’arhanu oku bugali.

Ezekiyeli 40:29

Ebyumpa byâgo, banabwigorhe bagwo, byoshi byàli bigwêrhe lugero luguma; obwôla bululi bwàli bugwêrhe orhubonezo omu marhambirhambi, kuguma n’akabadu.

Ezekiyeli 40:44

Emugongo g’omuhango gw’omu ndalâlà mwâli ebyumpa by’abimbiza b’omu bululi buli omu ndalâlà. Cûmpa ciguma càli ebwa muhango g’olunda lw’emwênè, cakazâg’ilola olunda lw’emukondwè; ecindi càli ebwa muhango gw’olunda lw’emukondwè, cakazâg’ilola olunda lw’emwênè.

Ezekiyeli 40:7

Ngasi cûmpa càli cigwêrhe lusheke luguma oku bugali na lusheke luguma oku bulîrî; ekâgarhî k’enyumpa akazipîma makano arhanu. Olusò lw’akabadu, ebwa cizimbêro cijîre ebwa nyumpa nayo apîmayo lusheke luguma.

Ezekiyeli 40:9

Apîma ecizimbêro c’ebwa lusò, càli ca makano munâni, n’emitungo yayo yali ya makano abirhi. Olusò lw’akwôla kabadu lwo lwakazâgija ebwa nyumpa.