Ezekiyeli 39:18 - BIBLIYA NTAGATIFU OMU MASHI

¹⁸ Enyama z’entwâli zo mwâlya, n’omukò gw’abâmi b’omu cihugo gwo mwânywa, ogw’engandabuzi, ebibuzi, ebihebe, empanzi ntôrhò zinadwîrhe zayenjera, zakazâg’ishwêkerwa e Bashani.

Ezekiyeli 39:18 ပူးပေါင်းရင်းမြစ်များ

Ennanga 22:12

Mâshi, orhanje kuli, obu narhindibuka, yegera hôfi, bulya ntagwêrhi murhabâzi.

Ennanga 68:30

Engombe yâwe eri aha Yeruzalemu yàrhuma abâmi bayisha bal’ikushiga.

Izaya 34:6

Engôrho ya Nyakasane ekola eyunjulirîne mukò, ekola nshîge mashushi n’omukò gw’abâna-buzi n’ogw’ebihebe, n’amashushi g’ensiko z’engandabuzi. Bulya Nyakasane adwîrhe arherekêrwa enterekêro e Bosra, badwîrhe bamubâgira omu cihugo ca Edomu.

Izaya 34:7

Embogo nazo zahenanguka haguma n’orhunina n’empanzi; ecihugo câbo cayunjulirana mukò, n’obudaka buyîgurhe mashushi.

Yeremiya 46:5

Ewe, kurhi oku mbabwîne? Kuziga barhunzirwe n’obwôba, bàrhenzire erugamba; entwâli zâbo zàhimirwe. Akola maguluagabe barhâcikabagana. Cikola côbà cône empande zoshi. Kanwa ka Nyakasane.

Yeremiya 50:11

“Nêci, musîme munacîshinge mwe mwanyagaga ebyâni! Mwanahashija mwahama nka mitwîra ya manina omu bulambo, n’okuyâma burhanzi”.

Yeremiya 50:27

Enfizi zâge zoshi, muzinigûze. Mujizimorogeza aha babâgira. Buhanya bwâbo, bamâhera, bulya amango Nyakasane abahanamwo gahisire.

Yeremiya 51:40

Nabahêka ah’ibagiro, nka bibuzi, nka biganda-buzi erhi bihebe.»

Ezekiyeli 29:5

“Nakukwêba omw’irungu, we mweshi n’enfî za muli ba Nili bâwe. Wâhenangukira omu budaka buhinge, orhârholwe orhânabishwe. Nâkuhà ensimba z’erubala n’ebinyunyi by’emalunga bikulye”.

Ezekiyeli 34:17

“Ninyu wâni, bibuzi byâni, ntyâla kwo adesire Nyakasane Nyamubâho: Loli oku nkola nâjira obucîranuzi ekarhî k’ebibuzi, engandabuzi n’ebihebe”.

Ezekiyeli 34:8

“Ndahîre oku izîno lyâni! kwo adesire Nyakasane Nyamubâho: Ebwa kubà ebibuzi byâni babilekêrire byanyagwa, ebwa kubà ebibuzi byâni byo bikola bibà biryo by’ensimba z’omu lubala zoshi, kubula mungere kurhuma, ebwa kubà abangere bâni barhashîbiriraga ebibuzi byâni ci babà bônene bwo bacîshîbirira, babilekêrera”.

Ezekiyeli 39:19

Mwâlya oku mashushi nk’oku munalonzize, mwanywa omukò kuhika mulaluke, kuli eyôla nterekêro yâni nâmujirira.

Amosi 4:1

Muyumve aka kanwa, mwe nkâfu z’e Bashani, mwe muli oku ntondo ya Samâriya, mwe mudwîrhe mwalibuza abazamba, mudwîrhe mwatûntuma abakenyi, mwe mudwîrhe mwabwîra bâbalo, mpu: «Lêrhaga rhunywe!»

Lushika 32:14

Oku mashanza g’omu nkâfu n’oku marhà g’ebibuzi, bashushagiza ebyânabuzi n’engandabuzi za bene Bashani n’empene, bahirakwo n’amashushi g’omulà gw’engano basûza n’omukò gw’ecihadu c’omuzâbîbu gwabirira.

Mafulûlo 19:21

Abandi boshi banigwa n’engôrho y’olyâla otamîre oku citerusi, erya ngôrho yamunyonyôkaga ekanwa; n’ebinyunyi byoshi byayigurha eminyafu yâbo.