Ezekiyeli 39:12 - BIBLIYA NTAGATIFU OMU MASHI

¹² Kuboko kwa Nyamuzinda kwababisha n’ecihugo cayôbôlwa kuhika myêzi nda.

Ezekiyeli 39:12 ပူးပေါင်းရင်းမြစ်များ

Ezekiyeli 39:11

Nâhà Gogi ahantu h’irenge mwo abishwa omu Israheli, omu kabanda k’abagenzi, olunda lw’ebuzûka-zûba lw’enyanja; ânafuka enjira y’abagenzi. Ahôla hwo bâbisha Gogi boshi n’engabo yâge mwandu, kandi banahayirike mpu «Hwo kabanda ka Hamoni-Gogi».

Ezekiyeli 39:14

Banarhuma abantu mpu bakaz’igeragera omu cihugo mpu bajè babisha abagenzi bafirîre omu cihugo, banarhenza ntyo omu cihugo ngasi bya­nkacihemula. Enyuma lya myêzi nda go mango barhangira okujà kwalonza.

Ezekiyeli 39:16

Hanayishibà olugo bakaz’iderha mpu lwo Hamona, hano bayûs’iyinjihya ecihugo.

Mibalè 19:11

Owankahuma oku mufù mulebe erhi mulebe, oyôla anabè mugalugalu nsiku nda.

Mibalè 19:14

Alaga irhegeko erhi omuntu ankafira omw’lhêma. Ngasi yêshi wankajà muli eryo ihêma, na ngasi kalugu kali muli ryo, ebyôla byoshi byanabà bigalugalu kuhika nsiku nda.

Mibalè 19:16

Ngasi yêshi wankahuma oku muntu wanigiragwa omu mashwa, erhi wundi ofîre kwônene erhi mavuha ga muntu, erhi oku cûsho, oyôla ânabà mugalugalu kuhika nsiku nda.

Lushika 21:23

orhahîraga okaleka omurhumba gwâge gwalâla oku murhi, ci onamubishe olwo lusiku Lonêne, bulyâla owamanisirwe bukola buhanya bw’emwa Nyamuzinda, orhakanacîshomya mpu wahemula ishwa Nyamubâho, Nyamuzinda akushobôza mpu oliyimemwo.