Ezekiyeli 38:22 - BIBLIYA NTAGATIFU OMU MASHI

²² “Nâyishimuhana n’endwâla y’ecihûsi n’okubulajika kw’omukò, nâmuniekeza enkuba y’ecihonzi, ey’olubula, nârhuma engulumira z’omuliro n’eza ecibiriti kuli ye n’oku bigamba byâge n’oku myandu y’embaga ziri boshi naye”.

Ezekiyeli 38:22 ပူးပေါင်းရင်းမြစ်များ

Murhondêro 19:24

Oku bundi Nyamubâho anacirhogeza enshâno y’ecibiriti n’omuliro kuli Sodomo na kuli Gomora.

Ennanga 11:6

Mûshi emihera ayirhogeze amakala g’engulumira n’ecibiriti, n’empûsi y’omuliro ebè co cigabi c’omu kabehe kâbo.

Izaya 28:17

“Obwimâna bwo najira mulengo gwâni, n’obushinganyanya bwo bwâbà lugero lwâni. Ci olubula lwahyajira olwâkiro lwinyu lw’obunywesi n’amîshi gâyunjuliza omwêgemero gwinyu”.

Izaya 29:6

Nyakasane Nyamuzinda w’Emirhwe akurhandûla omu mikungulo, omu misisi, omu cihôgêro, omu mpûsi ya kalemêra, omu mulaba n’omu ngulumira y’omuliro yâjà yasingônola byoshi.

Izaya 34:3

Abânigwa muli bo bâkabulirwa oku mpinga, akabayo kâkarhenga omu mirhumba yâbo, n’entondo zakâhulula mukò gwâbo.

Izaya 66:16

Nêci, omu muliro atwîra ngasi muntu olubanja, erhi anafumbasire engôrho yâge anayiyêrekîze ngasi muntu: abanigûsibwa na Nyakasane bali banji!

Yeremiya 25:31

“Omulenge gwahika oku kafendefende k’igulu, bulya hali olubanja aha karhî ka Nyamuzinda bon’amashanja: Yejisa ngasi muntu lubanja; enkola-maligo, ngôrho aziyêreka, kanwa ka Nyakasane”.

Ezekiyeli 13:11

Obwîre abôla badwîrhe bazibuhya olugurhu n’ibumba, erhi: Enkuba y’ecihonzi ekola yania, olubula lukola lwarhoga n’empûsi y’ecisirûla yabayîshira.

Ezekiyeli 28:23

“Namurhumira ecihuûsi, omukò gwâbulajikira omu njira zâge, emifù yâkazihenangukira omu karhî kâge erhi ngôrho bamuyômolire omu marhambi erhuma, na ntyo bânamanya oku nie Nyamubâho”».

Ezekiyeli 39:6

“Nâkurhumira omuliro gwârhenga emwa Magogi n’emwa abantu bacîyûbakîre n’omurhûla omu bizimba, ntyo banamanya oku nie na ndi Nyamubâho”.

Ezekiyeli 5:17

Nâkurhumira ecizombo n’ebiryanyi bikali bikazikulya abâna; ecihûsi n’omukò byâgera emwâwe. Nâkurhurnira n’engôrho ekumalîre. Nie Nyamubâho okudesire.

Yoweli 3:2

“Mw’ezo nsiku, ciru n’abajà n’abajà-kazi, nâbadubulirakwo Mûka gwâni”.

Mateyo 7:27

“Erhi enkuba ecinia, n’enyîshi n’empûsi biciyisha, byacîhonda kuli erya nyumpa yacîhongokera. Lêro obuhanya bwajà oku bundi!”»

Yozwe 10:11

Ago mango balibirhaga omu kuyâka bene Israheli, erhi bahika oku mwandagalo gwa Beti-Horoni, Nyakasane abarhibulirakwo amabuye manene kurhenga e malunga, ago mabuye gabarhogerakwo kuhika aha Azeka, bahungumuka, abafîre n’ago mabuye g’olubula balushire abayîsirwe n’engôrho ya bene Israheli.

Mafulûlo 14:10

oyo anywa oku idivayi ly’obukunizi bwa Nyamuzinda, lirya lihungulîrwe omu ka­bêhè k’omutula gwâge buzira ngushè; omuliro n’ecibiriti byâmulîkiza amagala omu masù ga Bamalahika batagatîfu n’omu masù g’Omwâna-buzi.

Mafulûlo 16:21

Olubula lunênênè, luzirho nka mabuye, lwamanuka emalunga, lwarhogera oku bantu. Abantu banacigwîra balogorhera Nyamuzinda erhi obwo buhanya bw’olubula burhuma, mpu obwo buhanya bwamâluga okulushire.

Mafulûlo 20:9

Banacisôkera omu cihugo coshi, bagorha olugerêro lw’abimâna na cirya cishagala cirhona bwenêne; ci omuliro gwamanuka emalunga, gwabasingônola.

Mafulûlo 8:7

Okuhandi omurhanzi agubûha erhi na mushekera: lwashuba lubula n’omuliro bigushe haguma n’omukò, babikwêba oku igulu. Ecihimbi ca kasharhu c’igulu càbôyôka, ecihimbi ca kasharhu c’emirhi càsirîra, na ngasi byâsi bibishi byàhya.