Ezekiyeli 37:18 - BIBLIYA NTAGATIFU OMU MASHI

¹⁸ N’erhi bene olubaga lwâwe bankakudôsa muli ebîra binwa mpu: K’orharhuhugûlire nîrhu bici walonza okumanyîsa kuli okwôla? Wânababwîra erhi:

Ezekiyeli 37:18 ပူးပေါင်းရင်းမြစ်များ

Ezekiyeli 24:19

Okubundi olubaga lwanacimbwîra, erhi: «Kawakarhubwîra bwinjà kwo kuderha ku­erhi okûla odwîrhe wajira?»

Ezekiyeli 12:9

«Mwene omuntu, omulala gwa bene Israheli, erhi iburha ly’abagoma, ka barhakudôsize mpu: bici ebyôla wajira?

Ezekiyeli 20:49

Nanaciderha, nti: Mâshi! Nyakasane Nyamubâho, badwîrhe baderha, mpu: Lolà ye kandi! Yoyo odwîrhe ashubirira okuderha ebinwa.

Ezekiyeli 17:12

Obwîre ogwôla murhwe gw’abagoma, erhi: Ka murhamanyirikwo kuderha kuci okwôla? Oderhe, erhi: Loli oku omwâmi w’e Babiloni ajire e Yeruzalemu; arhenza yo mwâmi n’abaluzi anacibahêka emwâge e Babiloni.

Ezekiyeli 33:2

«Mwene omuntu, ogend’ibwîra bene olubaga lwâwe, erhi: Nka na­mâyomolera ecihugo engôrho, abantu b’ecôla cihugo banayanke muntu muguma muli bo mpu abè mulanzi;

Ezekiyeli 37:19

Ntya kwo adesire Nyakasane Nyamubâho erhi: Loli oku nâyanka akarhi ka Yozefu akali omu nfune za Efrayimu, na ntyo emilala ya bene Efrayimu n’eyindi ecilunzire haguma nayo nayilunga oku karhî ka Yûda, kabè karhî kaguma omu nfune zâni.