Ezekiyeli 34:2 - BIBLIYA NTAGATIFU OMU MASHI

² «Wâni mwene omuntu, oderhe ebinwa by’obulêbi oku balungere b’Israheli, olêbe onababwîre, erhi: Ntyâla kwo adesire Nyakasane Nyamubâho: Buhanya kuli balungere babî b’Israheli abarhajira kundi kurhi okurhali kucîyâbula bônene! Ka arhali busô bwo balungere bagwâsirwe okuyâbula?

Ezekiyeli 34:2 ပူးပေါင်းရင်းမြစ်များ

2 Samweli 5:2

Kurhenga mîra, amango Saulu anali mwâmi wîrhu erhi onahêka engabo ya bene Israheli oku matabâro. Nyamubâho akubwîzire erhi: «We wayabula olubaga lwâni lwa bene Israheli, we wanabà mukulu walo».

Izaya 40:11

Aka lungere, kuyâbula ayâbula obusò bwâge, aj’ashûbûza abâna-buzi n’okuboko kwâge, ababagalire oku cifuba câge, anayîshe ahuga bunyi bunyi ebibuzi byayonsa.

Izaya 56:11

Orhwo rhubwa rhugwêrhe omumiro muhubu rhurhanahûga, bo bangere barhankahash’iyumwa cici! Boshi banakaz’ishimba ngasi muguma enjira yâge, ngasi muguma anakalonza obunguke bwâge:

Yeremiya 10:21

Balungere bo babîre bahwinja. Barhalongerizi Nyakasane n’okwôla kwarhuma bayabirwa: obusò bwâbo bwoshi bwashandîre.

Yeremiya 12:10

Engabo y’abangere yakûzire ishwa lyâni ly’emizâbîbu, balirhindagira, ishwa lyâni oku ndirhonya, bôhe balijizirage nterere.

Yeremiya 2:8

Abadâhwa barhaderhaga, mpu: Nyakasane ngahi ali? Abalenga b’amarhegeko bampabire, balungere bangomîre, abalêbi balêbire oku izîno lya Baali, bakulikira engonyi.

Yeremiya 23:1

Bali bahanya abangere bahabula n’okushandabanya ebibuzi by’obusò bwâni, kanwa ka Nyakasane.

Yeremiya 3:15

Namuhà balungere omurhima gwâni gusîmire, abôla bamuyâbula n’oburhimanya n’obumanye.

Ezekiyeli 13:19

Munakaz’imbonêsa nshonyi embere z’olubaga lwâni oku mushamarha musungunu gwa ngano n’erhi bihimbi bisungunu bya mugati birhuma, mwanayîrha ntyôla abantu barhali bakwânîne okufà, munaleke balya bâli bakwânîne okufà, omu kurhebêba olubaga lwâni lusîma okubayumvirhiza omu by’obunywesi.

Ezekiyeli 22:25

oli cihugo eci abaluzi ba muli cwo bali nka ntale yajà yalumba nk’ekola yashanshanyula omunyama gwâyo. Bashanyagwîre abantu, barhôla obugale, enjuma, baluza n’abakana omu karhî kâco.

Ezekiyeli 33:24

«Wâni mwene omuntu, abaciyûbasire omu bigûkà bya ecihugo ca bene Israheli badwîrhe baderha mpu: Abrahamu àli yêne, anagalihâbwa eci cihugo nka kashambala kâge; nîrhu rhono rhukolaga rhuli mwandu rhwe rhwahâbirwe ecîra cihugo nka kashambala kîrhu».

Ezekiyeli 34:1

Akanwa ka Nyamubâho kanacintidakwo muli ebîra binwa, erhi:

Ezekiyeli 34:14

“Nâbiyâbulira omu malambo minjà, n’obuhasi bwâbo bwâbà oku ntondo ndîrî z’Israheli, yo byâkazilâla eyoia munda omu kahasi kinjà, byakaziyâbukira omu bulambo bujinyire, oku ntondo z’Israheli”.

Ezekiyeli 34:15

“Niene nakaz’iyâbula ebibuzi byaâni, nambihire aha byarhamukira, kwo adesire Nyakasane Nyamubâho”.

Amosi 6:4

Muvâmire bwinjinjà, mudwîrhe mwalya abâna-buzi b’obusò, amanina mwayankaga omu maruli.

Zakariya 11:17

Buhanya bwâge oyo lungere w’ecinganyi olekêrera obusò bwâge! Ebîrha bimushangule emisî y’amaboko n’okubona kw’amasù gâge: okuboko kwâge kuhole n’isù lyâge liryo lirhacifâga lyabwîne!

Yowane 10:8

Abàli bayishire embere zâni boshi, biri bishambo na bishumûsi; n’ebibuzi birhabayumvagya.

Ebijiro 20:26

“Co cirhumîre mmubwîra n’obwâlagale olu lusiku lw’ene oku ndi mwêru kwêru oku mukò gwinyu mweshi”,

Ebijiro 20:29

“Nie ono mmanyire oku hano mbà namâgenda, ebiryanyi bikali byâmujamwo, birhanababalira obusò”;

Barom 16:18

Bulya abantu ba bene abo barhakolera Nnawîrhu Kristu; ci enda zâbo; kandi n’enderho zâbo nnunu-nnunu n’ez’obulimirizi, banarhebe emirhima y’abarhabâmwo bulyâlya.

2 Bakorinti 12:14

Bukola bwa kasharhu obu ncîrheganyize okujà emwinyu, ntanammuzidohere. Arhali abâna bo bagwâsirwe babîkire ababusi. Ci ababusi bo babîkira abâna bâbo.

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.

Yûda 1:12

Abo bantu bo bakâzinza amadinye ginyu g’ecinyabuguma. Nka balya, barhabà nshonyi, na ntà cindi bakengêra okurhali kuyunjuza amada gâbo. Kwo bali nka bitù birhalimwo nkuba bidwîrhe byayehûlwa n’empûsi; eri mirhi ya canda erhalikwo malehe, efîre kabiri enakundusire!