Ezekiyeli 32:7 - BIBLIYA NTAGATIFU OMU MASHI

⁷ “Amango obulangashane bwâwe bwâzima nanabwîkira amalunga, mpire n’omwizimya omu nyenyêzi, nâbwikira izûba n’ebitù n’omwêzi gurhacikamoleke n’obulangashane bwâgwo”.

Ezekiyeli 32:7 ပူးပေါင်းရင်းမြစ်များ

Ayubu 9:7

Anahakanye izûba mpu lirharhengaga emashinji, n’enyenyêzi azihamikire.

Migani 13:9

Akamole kabashinganyanya kabà kakolire, erhi n’itara ly’abâmaganwa lyâzima.

Muhanûzi 12:2

Onakazimukengêra oku izûba n’omûshi, omwêzi n’enyenyêzi birhacijàmwo omwizimya; n’oku ebitù birhacigaluka n’enkuba yahumbûka.

Izaya 13:10

Nêci, enyenyêzi z’oku nkuba n’ebirundo byâzo zahusa okulangashana; izûba lyashuba mwizimya aha kuzûka kwâlyo, n’omwêzi gwaleka okukamoleka.

Izaya 34:4

Engabo y’abalwî b’emalunga yoshi yajonga, amalunga gazingwa nka kula bazinga ecitabu, n’engabo yâgo yahungumuka nka kula ebyâsi by’omuzâbîbu bihungumuka, nka kula ebyâsi by’omulehe bihungumuka.

Yeremiya 13:16

Muhè Nyakasane Nyamuzinda winyu irenge duba oku omwizimya gurhacigwa, n’oku amagulu ginyu garhacisârhala, oku birhondo by’obudufu. Mwoyo mudwîrhe mwalinda obuce: yêhe mwizimya adwîrhe abulula n’okuguhindula ndundulya ya budufu,

Ezekiyeli 30:18

E Tahipanesi, olusiku lwanâshubeyo budufu nkola nayusayo okushigwa na Mîsiri na hano eya misî acîkubagira ehwa. Olwikungu lwâyibwîkira n’abânanyere bâge bayishihêkwa bujâ,

Ezekiyeli 30:3

Bulya lulya lusiku luyîruka, luyîruka lulya lusiku lwa Nyakasane, lwâbà lusiku luyunjwîre bitù, mango g’amashanja.

Ezekiyeli 31:15

Ntya kwo adesire Nyakasane Nyamubâho, erhi: Olusiku gwayandagaliraga e kuzimu narhegeka nti habè okushîba, nabwîkûla ekuzimu, nayimanza enyîshi zâge n’amîshi gâge manjimanji gàyimanzibwe. Nayimanzize Libano erhi gwo gurhuma, kandi gwarhuma emirhi yoshi y’omu lubala yahuha.

Ezekiyeli 34:12

“Nka kula omungere arhangula ebibuzi byâge, olusiku ali olunda ebibuzi byâge biyâbukire, ntyo kwo nâkazirhangula ebibuzi byâni, nâbirhenza ngasi lunda byanahabukîre loshi omu mango g’olwikungu n’ag’omwizimya”.

Yoweli 2:10

Amango ayisha, igulu lyâgeramwo omusisi, amalunga gadirhimane. Izûba n’omwêzi bijemwo omwizizi, n’enyenyêzi zizime.

Yoweli 2:2

Lusiku lwa mwizimya n’olwikungu, lusiku luyunjwîre bitù n’omwizizi. Nka kula lukula arhanda emashinji, ntyo kwo engabo y’abantu yâpamuka erhasâg’ibonekana bundi, erhakanacibonekana ciru n’eliguma.

Amosi 8:9

Mw’olwo lusiku, kwo Nyakasane Nyamuzinda adesire, nâzisa izûba aha kasirahinga, nâbwika igulu mwizimya mûshi.

Mateyo 24:29

Enyuma ly’amalibuko g’ezo nsiku, izûba lyâbà mwizizi, n’omwêzi gurhacibashe, n’enyenyêzi zanamanuka oku nkuba, n’eby’oku nkuba byâgera­ mwo omusisi.

Marko 13:24

«Ci muli ezo nsiku, enyuma y’ago malibuko, izûba lyâbà mwizizi n’omwêzi gurhâcibashe,

Luka 21:25

«Hayish’ibà ebimanyîso omu izûba n’omu mwêzi n’omu nyenyêzi; n’omu igulu amashanja gayish’ibà burhè ganayish’irhanya bayumva enyanja ekungula.

Mafulûlo 8:12

Naye Malahika wa kani agubûhamwo erhi na mushekera. Ecihimbi ca kasharhu c’izûba cahukulwa, n’ecihimbi ca kasharhu c’omwêzi, n’ecihimbi ca kasharhu c’enyenyêzi kwo na kwo; na ntyo ebyo byâbyo bya kasharhu byashuba mwizimya, n’omûshi gwabula cihimbi ciguma ca kasharhu c’obumoleke bwâgwo, n’obudufu kwo na kuguma.