Ezekiyeli 32:27 - BIBLIYA NTAGATIFU OMU MASHI

²⁷ “Barhâkacihengeka aha burhambi bw’entwâli, abôla b’entakembulwa bafâga, bayandagalira ekuzimu n’emirasano yâbo n’engôrho zâbo bakazizihira aha irhwe lyâbo erhi n’ebyâha bajizire biri omu mavuha gâbo, n’obwo ecôbà c’ezôla ntwâli càli cilumîre igulu ly’abazîne”.

Ezekiyeli 32:27 ပူးပေါင်းရင်းမြစ်များ

Ayubu 20:11

Amavurha gâge gali gayunjwîre misî ya busole: ye n’obusole bwâge, bamâlambama omu katulo.

Ennanga 109:18

Obuhanya bumubwîke nka mushangi, bumuje omu nda nka mîshi, bumuje omu njingo nka mavurha.

Ennanga 49:14

Yo njira y’abacîbikakwo omurhima eyo, kwo banafà ntyo abalimbira omugisho bàburhanagwa.

Ennanga 92:7

Omuhwinja arhishi ntyo, idâga lirhumva okwo.

Ennanga 92:9

Wêhe Nyamwagirwa, oyôrha ôbà w’Enyanya.

Migani 14:32

Omumînya bumînya bwâge bunamulembika, omushinganyanya yêhe omu budahemuka mwo ashànga olwâkiro.

Izaya 14:16

“Ngasi bâkubona, badwîrhe bakusinza, bakulolêreze, mpu: Kali olya muntu wakazâg’ijugumya igulu oyu, olya wakazâg’ihirimy’amâmi?”

Izaya 54:17

Ngasi murasano gwâtulwe mpu bakurhêremwo, kufananda gwakaz’i­fananda, na ngasi kalimi kânakujîse lubanja, kuyâga wânakayâze. Ogwôla gwo mulagi gw’abarhumisi ba Nyakasane, ecôla co cigabi mbashobôzize, kwo adesire Nyakasane.

Ezekiyeli 18:20

Owajizire kubî ye wânkanafà; omwâna arhâkazibarhulè amabî g’îshe, kuguma n’îshe w’omwâna arhânkabarhula omuzigo gw’omwâna wâge, omushinganyanya ahemberwa obushinganyanya bwâge n’omubî ahanirwa obubî bwâge.

Ezekiyeli 26:17

Bâkujirira olwimbo lw’okukulakira baderhe, mpu: Bici wa! Gurhi wamàhenanguka, wamâhirigirha omu nyanja, wâni Lugo lwalijire irenge. We wali lugo lunya-buhashe omu nyanja, we kuguma n’abantu bâwe.

Ezekiyeli 32:21

“Abàli ntwâli kulusha, kuguma n’abakazag’imurhabâla, bamuganîrira eyôla kuzimu mpu: Bayandagîre; bakola bacihengesire balya bantakembûlwa, banigagwa n’engôrho!”

Ezekiyeli 32:28

“Ci wêhe wâyirhirwa omu karhî k’entakembulwa, bâkuhengeka aha burhambi bw’abàyirhagwa n’engôrho”.

Yowane 8:24

“Nammubwîzire nti mwafâna ebyâha binyu. Nêci, akabà murhayêmîri oku nie Nyamubâho, mwafâna ebyâha binyu”».

2 Bakorinti 10:4

Nanga, amatumu rhulwamwo garhali ga bunya-mubiri, ci oku buzibu bwa Nyamuzinda gagwêrhe obuhashe bw’okuhongola ebishagala by’entambala by’abashombanyi. Emirâli rhwe rhuyitwamwo,