Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezekiyeli 32:26 - BIBLIYA NTAGATIFU OMU MASHI

26 “Eyôla munda eri Mesheki, Tubali n’omwandu gwâbo gw’engabo, ebyûsho byâbo bimuzongolosire; ezôla ntakembulwa zoshi engôrho yaziyîsire; n’obwo bâli bamâhira ecôbà omu igulu ly’abazîne”.

အခန်းကိုကြည့်ပါ။ ကော်ပီ




Ezekiyeli 32:26
11 ပူးပေါင်းရင်းမြစ်များ  

Reseni ekarhî ka Ninive na Kalaha, lugo lunene là.


Yafeti àburha Gomeri, Magogi, Madayi, Yavani, Tubali, Mesheki na Tirasi.


Alaga bagala ba Yafeti: Gomeri, Magogi, Madayi, Yavani, Tuvani, Tubali, Mesheki na Tirasi.


Nâbahebakwo ecimanyîso, na balya bafulumukaga olufù muli bo, nâbarhuma emw’amashanja: e Tarsisi, e Puti n’e Ludi -emwa balya bafôla omuherho--, nâbarhuma e Tubali, e Yavani n’omu birhwa bya kulî-kulî, birya birhasâg’iyumva naderhwa birhanasâg’ibona irenge lyâni; bâyîsh’imanyîsa irenge lyâni.


Yavani, Tubali na Mesheki, bakazagiyishirhimbûlira emwâwe. Bakazâgiguza abantu n’ebirugu byâbo by’omulinga nâwe wanabaha oku biryo byâwe.


“Barhâkacihengeka aha burhambi bw’entwâli, abôla b’entakembulwa bafâga, bayandagalira ekuzimu n’emirasano yâbo n’engôrho zâbo bakazizihira aha irhwe lyâbo erhi n’ebyâha bajizire biri omu mavuha gâbo, n’obwo ecôbà c’ezôla ntwâli càli cilumîre igulu ly’abazîne”.


“Nêci, nali mmuyêmêrire ahîre ecôbà omu igulu ly’abazîne, ci lolaga oku akola acîhengesire aha burhambi bw’entakembulwa, haguma na balya bayîrhagwa n’engôrho. Faraoni mwâmi w’e Mîsiri kwo abîre ntyôla boshi n’omwandu gw’engabo zâge, kwo adesire Nyakasane Nyamubâho”».


«Wâni mwene omuntu, derha ebinwa by’obulêbi kuli Gogi, oderhe erhi: Ntyâla kwo adesire Nyakasane Nyamubâho, erhi: Lolà oku namâkwîhindulira wâni Gogi, mwâmi mukulu w’e Mesheki n’e Tubali:


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ