Ezekiyeli 32:24 - BIBLIYA NTAGATIFU OMU MASHI

²⁴ “Eyôla munda eri Elamu n’omwandu gw’engabo zâge guzungulusire ecûsho câge, boshi kunigwa bànizirwe, bafà n’engôrho, ntakembûlwa wàyandagaliraga ekuzimu omu idaho; bakazâg’ilumiza ecôbà omu igulu ly’abazîne, bagendanaga enshonyi zâbo eyôla munda emw’abayandagalire ekuzimu”.

Ezekiyeli 32:24 ပူးပေါင်းရင်းမြစ်များ

Murhondêro 10:22

Semu ye burha Elami, Asuri, Aripakisadi, Ludi na Arami.

Murhondêro 14:1

Omu mango ga Amrafeli mwâmi w’e Shineyari, Ariyoko mwâmi w’e Elasari na Kedori-Laomeri mwâmi w’e Elami na Tideali mwâmi w’e Goyimi,

1 Nganîro 1:17

Bagala ba Semu, bo: Elamu, Asûru, Arpaksadi, Ludi na Aramu. Bagala ba Aramu, bo: Utsi, Huli, Geteri na Mesheki.

Ayubu 28:13

Barhayishi ecitwîro câbo emw’abantu, ntaho wankabushimâna kuno igulu ly’abantu.

Ennanga 142:5

Ndozir’ekulyo nnambwîne, ci ntâye mbwîne wankanshîbirira. Ntaho mbwîne nakayâkira, na ntâye mbwîne wakafungira omûka gwâni.

Izaya 11:11

Mw’olwo lusiku, Nyakasane ayash’ilambula okuboko, mpu lyo alîkûza abasigîre bw’omu lubaga lwâge; balya bâge bacisigîre omu Asîriya n’omu Mîsiri, omu Patrosi n’omu Kushi n’omu Elamu, omu Sinazi n’omu Hamati n’omu birhwa by’enyanja,

Izaya 38:11

Nakâg’iderha, nti: Ntakacibonakwo Nyakasane hanôla igulu ly’abazîne; ntakacisinzakwo oderhwa muntu muli abà boshi babà omu igulu!

Yeremiya 11:19

Niehe kwo nali nka mwâna-buzi wajibagwa, erhi ntanamanyiri emirali bagwêrhe kuli nie. Mpu «rhuhongole omurhi gujinire, rhumukûle omu igulu ly’abazîne, irhondo izîno lyâge lirhakengêragwa»!

Yeremiya 25:25

Abâmi b’e Zimri boshi, abâmi b’e Elami boshi n’abâmi b’e Mêdi boshi.

Ezekiyeli 16:52

Ci kônene, wêne, obarhulage agôla mabî gâwe garhuma bâli binyu balolwa nka binjà: biri birya byâha byàrhumaga ôbà mubî kubalusha, bakàzibonekana nka bo binjà kukulusha. W’oyo, enshonyi zikugwârhage, onabarhule agôla mabî gâwe erhi onadwîrhe wayêrekana oku bâli binyu bali binjà kukulusha.

Ezekiyeli 16:54

lyo ojà wâbarhula obubî bwâwe, onakazibona enshonyi z’ebi wajizire nabo bâna­rhûlirira.

Ezekiyeli 26:20

ago mango nâkuherêrekeza haguma n’abajà ekuzimu, wâshanga abantu ba mîra, nânakuyûbasa omu cihugo c’ekuzimu, omu kahwenyenye k’ensiku n’amango, haguma n’abajà ekuzimu, lyo orhagirhengayo mpu wâyishiyûbaka omu cihugo c’abazîne.

Ezekiyeli 31:14

Lyo harhagibà omurhi gudomererwa gwacîkuza, erhi bulî bwâgo burhuma, gurhaginaheka obulî bwâgo omu nkuba karhî k’ebitù, lyo harhagibà omurhi gwayunjula mîshi na ntyo gubè gwa bucîbone oku yindi mirhi. Bulya yoshi eligunzibwe n’olufù, yâjà ekuzimu omu idaho, yajibêra haguma n’abâna ba abantu balya bayandagalîre ekuzimu.

Ezekiyeli 31:18

Guhi mwâli muyumânîne mweshi nago oku kujà irenge n’oku bulî, omu mirhi yoshi y’omu Edeni? Okwôla wâjikwêbwa, mweshi n’emirhi y’omu Edeni, omu ndalâlà y’idaho, wâgendigwishira ekarhî k’entakembulwa, haguma n’abayisirwe n’engôrho. Lâba Faraoni mwâmi w’e Mîsiri n’omwandu gw’engabo yâge, kwo adesire Nyakasane Nyamubâho.

Ezekiyeli 32:18

«Mwene omuntu, olakire omwandu gw’engabo z’e Mîsiri, oguyandagaze ekuzimu gônene kuguma na bâli b’amashanja g’abaluzi, gajè omu idaho kuguma na ngasi bandi bajà omu nshinda.

Ezekiyeli 32:19

“Ndi wali omulushire bwinjà? Oyandagalire omu nshinda mweshi n’entakembûlwa!”

Ezekiyeli 32:21

“Abàli ntwâli kulusha, kuguma n’abakazag’imurhabâla, bamuganîrira eyôla kuzimu mpu: Bayandagîre; bakola bacihengesire balya bantakembûlwa, banigagwa n’engôrho!”

Ezekiyeli 32:25

“Bamuhà ecirâlo omu karhî k’abanizirwe, ebyûsho by’omwandu gw’engabo zâge bimuzonge; ezo ntakembulwa zoshi ngôrho yaziyîsire. N’obwo abantu bakazâg’igeramwo omusisi erhi kubayôboha kurhuma hano igulu ly’abazîne; bagendanaga enshonyi zâbo emwa balya bayandagalîre ekuzimu. Babahira omu ngabo y’abanizirwe”.

Ezekiyeli 32:30

“Eyôla munda eri abaluzi lw’olunda lw’emwênè, bali yo boshi haguma na abanya-Sidoni boshi; bàyandagire kuguma n’abanigagwa, n’obwo barhâhima­gwa kujira ecôbà, lêro buno enshonyi z’oburhwâli bàlibagwêrhe zikola zibabumbire! Zicihengekage ezôla ntakembûlwa, haguma n’abayîrhagwa n’engôrho, banahêke enshonyi zâbo emwa balya bayandagalîre ekuzimu!”

Ezekiyeli 34:29

“Nâbamereza emburho z’irenge, ecizombo cirhakacibarhenza omu cihugo, barhakanacibà bijâci by’amashanja”.

Ezekiyeli 36:15

Ntakaciziga wâjâcirwa n’amashanja, orhakanacibà masheka g’embaga na ntyo ishanja lyâwe lirhakacihuligana, kwo adesire Nyakasane Nyamubâho.

Ezekiyeli 39:26

«Bâyishiyibagira amabî gâbo goshi n’oku bandekêreraga kwoshi, hano babona bakola bayûbasire omu cihugo câbo n’omurhûla, buzira kadundo.

Ezekiyeli 44:13

Barhâkaziyegêre emunda ndi mpu balijira emikolo y’obudâhwa, mpu bâyegera ebintu byâni bitagatîfu ebibêra omu hantu hatagatîfu bwenêne; bônene bahêka ecihemu n’amabî gâbo bajizire.

Daniyeli 8:2

Oku byàbîre muli okwôla kubonekerwa, nanacibà nka muntu odwîrhe wabona, nanacibà ndi aha Suza, cishagala ciri omu cihugo c’e Elami, muli okwôla kubonekerwa, nali hôfi n’olwîshi lwa Ulayi.

Habakuki 2:16

Mwenene mucîbonesa ezo nshonyi ci lirhabà irenge: Ninyu munywâge munacîyêrekane bashugunu! Nyakasane ammusêza mushongôze aka­bene k’obukunizi bwâge. Irenge linyu lyahinduka nshonyi zinyu.

Mateyo 11:23

Nâwe Kafarnaumu, ka omanyire mpu waliha kuhika oku nkuba? Wayish’ibungululwa kuhika omu kuzimu. Bulya ebisômerîne byajirîrwe omu bizimbêro byâwe, bicijiriragwa muli Sodomo, rhinga ho acibà kuhika ene.