Ezekiyeli 32:11 - BIBLIYA NTAGATIFU OMU MASHI

¹¹ Bulya, ntyâla kwo adesire Nyakasane Nyamubâho: Engôrho y’omwâmi w’e Babiloni yâkubwabwarhula!

Ezekiyeli 32:11 ပူးပေါင်းရင်းမြစ်များ

Yeremiya 43:10

“Okubundi obwîre abo bantu, erhi: ntya kwo Nyakasane w’Emirhwe, Nyamuzinda w’Israheli adesire: Lâbi oku nkola narhumiza Nabukondonozori, mwambali wâni, mwâmi w’e Babiloni; agwîka entebe yâge kuli aga mabuye nfulisire, âbà agalambulirekwo ihêma lyâge”».

Yeremiya 46:13

Akanwa ka Nyakasane karhindakwo omulêbi Yeremiyahu, amango Nabukondonozori, mwâmi w’e Babiloni, ayishigirhêra ecihugo c’e Mîsiri.

Ezekiyeli 26:7

Bulyâla ntyâla kwo adesire Nyakasane Nyamubâho, erhi: Lolà oku namàrhumira Tiri, Nabukondonozori, mwâmi e Babiloni, mwâmi w’abâmi, arhenga olunda lw’emwênè, âyishire n’enfarasi, n’engâlè, n’abagenda oku nfarasi, ngabo ya bantu mwandu.

Ezekiyeli 29:19

Amâderha ntyâla Nyakasane Nyamubâho, erhi: «Alà oku Nabukondonozori, mwâmi w’e Babiloni, namâmuha ecihugo ca Mîsiri. Ahongêsa yo obugale, âsabunga yo eminyago, anakungûje yo minyago yâge, n’ebyo lwo lwâbà luhembo lw’engabo yâge.

Ezekiyeli 30:4

Engôrho yajà omu Mîsiri, Etiyopiya arhungwe n’obôba hano emifù erhondêra okuhenanguka omu Mîsiri, hano bârhangira okugukumba obugale bwâge na hano amakondo gâge gâciyôheka oku idaho.

Ezekiyeli 31:11

naguhanyire omu maboko g’omuluzi w’amashanja nti agujirire nk’oku obubî bwâge bunali, obubî bwâge bwarhumire nâgukaga.