Ezekiyeli 32:10 - BIBLIYA NTAGATIFU OMU MASHI

¹⁰ Nâhira embaga nyinji omu mirhanyo erhi we orhuma, n’emviri z’abâmi bâbo zibangalale oku irhwe erhi we orhuma, amango babona nâgeza engôrho yâni embere zâbo. Ntâye orhâgeremwo omusisi yêshi muli olwôla lusiku wa­nâhirime.

Ezekiyeli 32:10 ပူးပေါင်းရင်းမြစ်များ

1 Bâm 9:8

Eyîra nyumpa ntagatîfu yanabà bigûkà na ngasi yêshi wankayigera hôfi anarhemuka ahebe olushungûrho; banakâderha mpu carhumaga Nyakasane ajira olu lugo n’eyîra nyumpa ntyâla?

Izaya 30:32

Ngasi muhûsi gwa karhî Nyakasane amurhimba gwakulikirwa n’engoma, ennanga. Amulwîsa anadwîrhe azunguza okuboko.

Yeremiya 51:9

Rhwabusire Babiloni, ci arhafuma. Rhumulekage na ngasi muguma acîshubirire emwâbo. Bulya obuhane bumurhogîrekwo buli bunene, busôsire bwahika emalunga.

Ezekiyeli 26:16

Abaluzi b’omu nyanja boshi, bashonôka oku ntebe zâbo, bahogola ebishûli byâbo n’emyambalo yâbo y’obushengerêre. Bayambala entemu, bâshurhama oku idaho bâgeramwo omusisi gwa nyegenye bânarhangâle erhi w’orhuma.

Ezekiyeli 27:35

Abantu bayûbaka omu bizimba by’ekulî bàgeziremwo omusisi erhi we orhuma. Abâmi bâbo bamârhangâla, obusù bwâbo bwamâzinzibala.

Ezekiyeli 30:9

Muli olwôla lusiku, entumwa zâni narhuma, zanagende n’amârho g’e­ nkugè bagend’itula akavango e Etiyopiya muli kala kahwenyenye kâge. Obôba bwarhunga abayûbakayo, muli olwo lusiku lwa Mîsiri lw’onw’olwo luyîruka!

Zakariya 11:2

Mulake, mwe nsindani, enduluma zahongosire, erya mirhi minjinjà yatubirwe. Mulake, mwe nduluma z’e Bashani, omuzirhu gwinyu gurhârhulagwa gwabîre bwêrûlè.

Lushika 29:24

“Ago mango banaderha” mpu: “Kunali kulya kubà balekerire endagâno ya Nyamubâho, Nyamuzinda wa bîshe, eryâla afundikaga bo nabo erhi abarhenza omu cihugo c’e Mîsiri”;

Lushika 32:41

amango nâbà namarhyaza engôrho yâni erhangirayalabuka, n’okuboko kwâni kurhangira okutwa emmanja, ago mango nânacihôlera emunda abashombanyi bâni bali, balya banshomba nânabaha oluhembo lwâbo.

Mafulûlo 18:10

Oku baciyimanzire kuli erhi kuyôboha amababale gâge kurhuma, baderhe, mpu: «Camahera! Camahera cirya cishagala cinênênè! Nêci, wâni Babiloni, cishagala ciri-misî! Kàli olwâwe omu nsâ nguma lutwîrwe!»