Ezekiyeli 31:3 - BIBLIYA NTAGATIFU OMU MASHI

³ Alaga byo: oku muyerêzi gw’e Libano ogujira amashami minjinjà, e­byâsi byofôfi n’omurhi gulengerîre, omu bitù mwo irhwêrhwè lyâge lihikira.

Ezekiyeli 31:3 ပူးပေါင်းရင်းမြစ်များ

Ennanga 92:12

Balya bakaziginshomba, isù lyâni lyabalolêreza na balya bakazâg’intêra, okurhwiri kwâni kwabayumvîrhiza!

Izaya 37:24

“Wakolesize bambali bâwe mpu ojâcire Nyakasane, ene oderha, mpu: N’omwandu gw’engâlè zâni nasôkire oku ntondo, nahika cingana oku irhwêrhwè lya Libano. Natwîrekwo enduluma z’emirhi n’ensindani zâge nyinjinjà. Nahisire oku masongezo gâge mazindazinda, omu busâne bwâge bw’emirhi”.

Yeremiya 17:8

Kwo ashusha nka murhi gumezire aha lwîshi gwo guyêrekeza emizî ebwa cikunguzo c’olwîshi, gurhôboha gala mango idûrhu liyîsha ebyâsi byâgo biyinjihire omwâka gw’ecanda-ciri gurhababala bici gurhanahusa buyâna.

Yeremiya 50:18

“Ntya kwo Nyakasane w’Emirhwe adesire, erhi: Nkolaga nahana omwâmi w’e Babiloni haguma n’ecihugo câge, nka kulya, mîra nahânaga omwâmi w’e Asûru”.

Ezekiyeli 17:22

Ntyâla kwo adesire Nyakasane Nyamubâho, erhi: Nâni nayanka irhwêrhwè ly’ogwôla murhi gw’omuyerezi munene oku nyanya ly’agandi mashami kwo nakûla eryo ishami, nalirhwera nienene oku ntondo ndîrî bwenêne.

Ezekiyeli 19:11

Gwanacimerakwo amashami mazibuzibu, ganacibà rhurhi rhw’obwâmi; ganacikula, ganacilîha, gahika omu karhî k’ebitù, bakazisômerwa n’obulî bwâgo, n’obunji bw’amashami gâge.

Ezekiyeli 31:10

Ntyâla kwo adesire Nyakasane Nyamubâho: Ebwa kubà gwamâshigalika erhi kulîhûka kwâge kurhuma, ebwa kubà irhwêrhwè lyâge linakazihikira omu bitù, ebwa kubà gukola gukazicîbona erhi okwôla kurhuma,

Ezekiyeli 31:16

Oku lubî lw’okuhirima kwâgo, amashanja goshi, nâgagezamwo omusisi, erhi nguyandagaliza ekuzimu haguma na balya bayandagalira omu mwîna. Yajire­ rhûlirizanya eyôla kuzimu. Eyo mirhi y’e Edeni, yo yali bulimbi na bwinjà bw’e Libano, ngasi mirhi yanakazâgidomererwa.

Ezekiyeli 31:17

N’iburha lyâgo lyayûbakaga omu cihôho câgo, omu karhî k’amashanja, nalyo lyàja ekuzimu, emwa abantu bànigagwa n’engôrho.

Ezekiyeli 31:5

Kwo kwarhumaga gulihûka okwo kulusha eyindi mirhi y’omu mashwa, n’amashami gâgwo galuga, n’amahaji gâgwo galandira bwenêne ebwa obwôla bunji bw’amîshi gakazagija emunda guli.

Ezekiyeli 31:6

Ebinyunyi by’emalunga byoshi byayishikaziyûbaka enyôgo muli gwo, ensimba z’erubala zakaziburhira muli gwo, abantu ba ngasi lubero bakazihumûkira omu cihôho câgo.

Ezekiyeli 31:8

Erhayumananaga nagwo emiyerezi y’omu ishwa lya Nyamuzinda, ensindani zirhankagerîrwe oku mashami gâgwo ntà yindi mirhi ya­ nkalingânîne n’amahaji gâgwo, ntà murhi gw’omu ishwa lya Nyamuzinda gwankagurhalusire bwinjà.

Ezekiyeli 32:22

“Eyôla munda eri Asûru boshi n’engabo yâge, ebyûsho byâge bimuzongolosire; boshi bali bànizirwe, bafà n’engôrho”.

Daniyeli 4:10

Ebyôla bilôrho byakazingera omu irhwe amango nali ngwîshîre oku ncingo na kandi Omulanzi Mutagatîfu amanuka emalunga.

Daniyeli 4:12

Ci kwônene mulekere ekuzimu, ecikundukundu c’emizî yago, ci cibè cishwêke n’ebyûma n’emiringa, omwôla lubala lw’omu mashwa, gukazidomererwa n’olumè lw’emalunga, gunakazilya boshi n’ensimba ebyâsi by’erubala.

Daniyeli 4:7

Alaga ebi nakazâgibona omu irhwe erhi nnangwishîre: alà oku nanacibona omurhi mulîmulî omu kâgarhî k’igulu.

Sofoniya 2:13

Nyakasane âhana n’abantu h’omu cihugo c’emwênè; aherêrekeza Asûru, ashâbûla Ninive yêshi ahinduke irungu lyûmu-lyûmu.

Zakariya 11:1

Hamûla enyumvi zâwe, Abasaka ebimasha n’abarhunzi bwo banyabuhashe e Buyahudi. Ensaranga n’obulyâlya bwâbo byabahîre oburhegesi oku barhamho b’olubaga.wâni Libano, olwihîra lusingônole ensindani zâwe.

Zakariya 11:2

Mulake, mwe nsindani, enduluma zahongosire, erya mirhi minjinjà yatubirwe. Mulake, mwe nduluma z’e Bashani, omuzirhu gwinyu gurhârhulagwa gwabîre bwêrûlè.

Bacîranuzi 9:15

Nalyo ishaka lyabwîra emirhi erhi: «Akabà mwalonza oku­nshîga amavurha mpu mbè mwâmi winyu, muyishage mweshi muyâkire omu cihôho câni; na akabà arhali ntyo, omuliro gupamukâge omw’ishaka gumalîre enduluma z’e Libano.»