Ezekiyeli 30:5 - BIBLIYA NTAGATIFU OMU MASHI

⁵ Kusi na Puti na Ludi, Arabiya yoshi na Lubî na bene Endagâno yâni boshi bafà n’engôrho.

Ezekiyeli 30:5 ပူးပေါင်းရင်းမြစ်များ

2 Nganîro 12:3

Ayisha adwîrhe ngâlè cihumbi na magana abirhi, bihumbi makumi gali ndarhu ga basirika bakubwîra oku nfarasi, lurhankahashiganjwa olundi lubaga lwàli luyîshire boshi naye kurhenga e Mîsiri: Abanya-Libiya, Abanya-Suki, Abanya-Etiyopiya.

Izaya 18:1

Yajewe! Eci cihugo cakubakubwamwo ebyûbi, ishiriza ly’enyîshi z’e Kushi!

Izaya 20:4

“ntyo kw’omwâmi w’e Asîriya âyîsh’ihêka ebigorogo by’e Mîsiri n’empira z’e Kushi, emisole n’abashosi, bushugunu, buzira nkwêrho n’amahiji mabwîkûle: zibè nshonyi za Mîsiri!”

Yeremiya 25:20

n’omwandu gw’ababalama (abâmi b’e Uzi boshi), abâmi boshi b’omu cihugo c’Abafilistini, nakanywêsa Askaloni, Gaza, Ekroni, n’abandi bâmi ba Ashdodi,

Yeremiya 25:24

Abâmi b’e Buharâbu bayûbaka omu irungu, boshi haguma n’amâmimâmi g’ekulî.

Yeremiya 44:27

“Loli oku nkola nabamalîra obushiru bahanyagale, barhâlobôke: abantu b’omu ca Yûda bali omu cihugo c’e Mîsiri bâhungumuka n’engôrho n’ecizombo, kuhika bahwe boshi”.

Yeremiya 46:9

Shembuki, mwe biterusi, kûli omulindi, mwe ngâlè! Mwe ngabo z’entwâli hiri mbêre, bantu b’e Kushi n’ab’e Puti, bacinga mpenzi, ba­ntu b’e Ludi, nfôla muherho!

Yeremiya 50:37

Engôrho oku biterusi byâge, oku ngâlè zâge, oku mashanja ga ngasi lubero gamulwîrakwo; boshi bahinduke ngonyi za bakazi! Engôrho oku bahirhi bâge, boshi bahagulwe!

Ezekiyeli 27:10

Abantu b’e Persi, ab’e Ludi n’ab’e Puti, bâli omu ngabo y’abalwî bâwe, bo bakazâgikujîra oku matabâro. Emwâwe yo bakazâgimanika empenzi yâbo n’ensirha yâbo. Bânarhuma wajà irenge.

Ezekiyeli 38:5

“Abapersi, Abanya-Etiyopiya, Abanya-Libiya bâyisha boshi haguma nabo, boshi bayisha badwîrhe empenzi n’e­nsirha zâbo”».

Daniyeli 11:43

Ayîma omu masholo, omu marhale n’omu bindi bintu binjinjà by’e Mîsiri; Abanya-Libiya, Abanya-Etiyopiya bâyisha bali mushiga.

Sofoniya 2:12

«Ninyu, mwe bantu b’e Kushi, mweshi nâmmuhungumulira omu bîrha»! kwo Nyakasane adesire.