Ezekiyeli 30:12 - BIBLIYA NTAGATIFU OMU MASHI

¹² Ba Nili nâbaganya, ecihugo nâciha ebishungu. Nâhagula ecihugo coshi n’ebi cijira byoshi, nâkolêsa okuboko kw’ab’ihanga. Niono Nyamubâho nadesire.

Ezekiyeli 30:12 ပူးပေါင်းရင်းမြစ်များ

Izaya 44:27

Nie mbwîra emihengere y’enyanja, nti: «Ganûki, nayûmûsa enyîshi zinyu!»

Yeremiya 50:38

Engôrho oku nyîshi zâge, zoshi ziyumûke. Bulya ciri cihugo ca nshusho za bazimu, ebyo bihenyango bihûsa ababiharâmya.

Yeremiya 51:36

Ntya kwo Nyakasane aderhîre Yeruzalemu, erhi: «Niene nkolaga nakulwakwo, nacikwihôlera, nkola naganya olwîshi lwâge, nfuke n’enshôko zâge.

Ezekiyeli 28:10

Bantakembûlwa bakuyîrha, wâyîrhwa n’ab’ihanga. Bulya nie nkudesire, kanwa ka Nyakasane Nyamubâho.

Ezekiyeli 29:3

“Oderhe onamubwîre, erhi: Ntya kwo adesire Nyakasane Nyamubâho: Ntakulikwo, wâni Faraoni mwâmi w’e Mîsiri, mwâmi w’e Mîsiri, we ngôna elambukîre muli ba Nili bâwe, w’odwîrhe waderha, erhi: Ba Nili bâni banali bâni, niene nabajiraga”.

Ezekiyeli 31:12

Abantu b’ihanja bagutwîre bali balya bantu baminya kulusha agandi mashanja goshi, bâgukubira oku ntondo, amashami gâgo garhogera omu rhubanda rhoshi; abanagaka bâgo bavunirwa omu misima yoshi y’omu cihugo, amashanja goshi g’igulu gayâsire ecîhôho câgo, bàgukabulira.

Nahumu 1:4

Anarhalabanye enyanja, ayiganye, anaganye enyîshi zoshi. Bashani na Karmeli bayumvîrhe erhi okwo kurhuma, ehibala by’omu Libano hyagokomba!

1 Bakorinti 10:26

Bulya igulu libà lya Nyakasane n’ebimubà byoshi.

Mafulûlo 16:12

Owa kali-ndarhu naye adubulira akabêhè kâge omu lwîshi lunene lwa Efrata; amîshi gâlwo gàgana, mpu lyo abâmi b’ebushoshôkero bw’izûba babona aha bâgera.

Bacîranuzi 2:14

Obukunizi bwa Nyakasane bwanaciyâka bwenêne kuli bene Israheli; abaleka omu maboko g’abahaguzi, nabo babahagula; abaguza emw’abashombanyi bâbo bâli babali eburhambi; barhacigwêrhe misî mici oku bashombanyi bâbo.