Ezekiyeli 3:26 - BIBLIYA NTAGATIFU OMU MASHI

²⁶ Olulimi lwâwe nalugobekera ebiraka, wâbà kaduma, waleka okukazibarhonda, bulya liri iburha lya bagoma.

Ezekiyeli 3:26 ပူးပေါင်းရင်းမြစ်များ

Ennanga 137:6

Nêci olulimi lwâni, waliha Yeruzalemu, luyûmire ebiraka, aha nankakuyîbagira nîsi erhi aha nankabula kuderha oku we murhanzi omu bansimîsa.

Ennanga 51:15

Nyêreke abagoma enjira zâwe, n’abanya-byâha bagaluk'emund’oli.

Izaya 1:2

Mwe malunga, muyumve, nâwe we igulu, orhege amarhwîri, bulya Nyakasane odesire, erhi: «Nalîsize abâna nanabalera, ci bôhe bangomera.

Yeremiya 1:17

We nabwîra ohwinje bwinjà, oyîmuke ojibabwîra ngasi byoshi nâkurhegeka niono. Orhadirhimanaga omu masù gâbo, nakanakudirhimanya embere zâbo.

Ndûlù 2:9

Emihango y’ecishagala yahongosire, orhuhamikizo rhwâco rhwoshi arhuvungunywîre. Mwâmi n’abarhambo bagwîre omu maboko g’abapagani banyamahanga. Ntâye ciru n’omuguma w’okuderha ebi Nyamuzinda alonza; ciru n’abalêbi barhacimanya obulêbi bwarhenga emwa Nyakasane.

Ezekiyeli 12:2

Mwene omuntu, oyûbasire ekarhî k’iburha ly’abagoma abagwêrhe amasù barhanabona, amarhwîri g’okuyumva barhanayumva ebwa kubà liri iburha lya bagoma.

Ezekiyeli 12:3

Ojage ahôla wâni mwene omuntu, ocîshanire omuzigo gw’omuntu mukâge, obunge mâshi erhi banabona. Obunge orhenge ahôla oyûbasire ojè handi, erhi banadwîrhe basinza. Nkaba bamanyiraho oku linali iburha lya bagoma.

Ezekiyeli 24:27

“Olwôla lusiku akanwa kâwe kayîguka kadese oyôla wafulumusire, wânashambâla orhânacishubibe kaduma; kuli bo wâbà cimanyîso na ntyôla bânamanya oku nie Nyamubâho”».

Ezekiyeli 33:22

Ci kônene akanwa ka Nyamubâho kali erhi kampisire kwo bijingo embere oyôla muntu wayishaga ayâka ayishe, kanali kamâbumbûla akanwa kâni embere ajè emunda nali sêzi; akanwa kâni kabumbuka naleka okucibà kaduma.

Daniyeli 10:15

Amango akazâgimbwîra ebyôla binwa, nakaz’ilola oku idaho nanaciyôrhera buduma.

Hozeya 4:17

Efrayimu anywanîne n’abazimu, omuleke.

Hozeya 4:4

Ci kwône ntâye wajàga lubanja, ntâye wasambaga. We mudâhwa we nshimbire.

Amosi 5:10

Mwe mushomba omucîranuzi mwinjà aha kagombe, mwe murhabona oku muntu oderha buzira bulyâlya.