Ezekiyeli 28:9 - BIBLIYA NTAGATIFU OMU MASHI

⁹ Ka wâciderhe bundi, erhi: Ndi nyamuzinda, embere z’abîsi bâwe? Ci, omanye oku oli muntu orhali Nyamuzinda, oyu wâciyîrhira omu maboko gâge.

Ezekiyeli 28:9 ပူးပေါင်းရင်းမြစ်များ

Ennanga 82:7

N’okusiga ninyu kufà mwanafè ak’abantu, n’ekugulu kwinyu mukoba gwayizinde ak’abandi bagale.

Izaya 31:3

Omunya-Mîsiri ali muntu kwône, ci arhali nyamuzinda; ebiterusi byâge biri bya bunya-mubiri, ci birhali bya bunya-mûka. Hano Nyakasane abà nk’alambûla okuboko, omurhabâzi adungubeja, na nyakurhabâlwa âhenganuke: bombi na bombi bâherêrekera. Nyakasane ye muciza wa Yeruzalemu

Ezekiyeli 16:49

Alaga obubî bwa Sodomo, mwâli winyu: Bucîbone, budambye, okucîkunga n’okurhashîbirira, zo zàli ngeso mbî za Sodomo n’abâli bâge; barhakazâg’irhabâla omukenyi n’olagîrîre,

Ezekiyeli 28:10

Bantakembûlwa bakuyîrha, wâyîrhwa n’ab’ihanga. Bulya nie nkudesire, kanwa ka Nyakasane Nyamubâho.

Ezekiyeli 28:2

Mwene omuntu, ojibwîra omuluzi w’e Tiri, erhi: Ntya kwo adesire Nyakasane Nyamubâho. Bulya omurhima gwâwe guyunjwîre bucîbone, wanaciderha, erhi: «Ndi nyamuzinda, erhi ndi ntamîre oku ntebe ya Nyamuzinda omu kâgarhî k’enyanja». N’obwo oli muntu ci orhali Nyamuzinda, wacîkunga mpu obulonza bwâwe buli bwa Nyamuzinda.

Ezekiyeli 28:8

Bakukwêba emwîna, wâfà wabandira obuliji emuhengere gw’enyanja.

Sofoniya 2:15

Kwo câhinduka ntyo cirya cishagala c’obulimbi, cirya abantu bamwo bakâgicîkèbwa mpu bajira aha bayegamire, banakazimanya mpu ntâye obalingânîne. Lêro cashûbusirage, cikola bulumba bwa nsimba! Ngasi boshi bakola bacigeramwo banashungûrhe n’okusômerwa.