Ezekiyeli 27:36 - BIBLIYA NTAGATIFU OMU MASHI

³⁶ Abarhimbûzi b’embaga bamâheba olushungurho kuli we, bulya wamârhuma bâgeramwo omusisi n’okuherêrekera kwâwe Joshi.»

Ezekiyeli 27:36 ပူးပေါင်းရင်းမြစ်များ

1 Bâm 9:8

Eyîra nyumpa ntagatîfu yanabà bigûkà na ngasi yêshi wankayigera hôfi anarhemuka ahebe olushungûrho; banakâderha mpu carhumaga Nyakasane ajira olu lugo n’eyîra nyumpa ntyâla?

Ennanga 37:10

Omubî hano kasanzi erhi arhacihali, n’erhi wakalola aha anali, orhâmubone.

Ennanga 37:36

Erhi nshub’igera erhi erhacihali, nti nnonza, lêrhaga!

Yeremiya 18:16

mpu lyo ecihugo câbo cishuba côbohwa masheka garhahwa, Ngasi yêshi ogeraho anasômerwe, adunde irhwe.

Yeremiya 19:8

Olu lugo nâlujira lubè hantu ha cikango n’olushungûrho, ngasi wâgera afuduke abande n’ehishungûrho omu kubona ebibande bityo.

Yeremiya 49:17

Edomu ahinduka ishwa lya kuyôbohya, abagera boshi bâkazisômerwa, bayôbohe banahebe olushungûrho babona kurhi asherîre.

Yeremiya 50:13

“Bukunizi bwa Nyakasane burhumire ciyôrha buzira muntu, coshi liri irungu. Ngasi boshi bagera hôfi na Babiloni bakazijuguma, bashungûrhe n’obwôba babona gurhi casherîre”.

Ndûlù 2:15

Abadwîrhe bagera omu njira bakazikoma kagasha boshi, badwîrhe bakubandira olwôho we Yeruzalemu, banakudundira irhwe baderhe, mpu: Ka ko binali co cirya cishagala bakâgiderha mpu «Cinjinja buzira izâbyo na busîme bw’igulu lyoshi eci wâni?»

Ezekiyeli 26:14

Nâkujira ibuye lyonene, wâbà lwânikiro lwa rhwêshe. Orhacishubiyûbakwa, bulya niono Nyamubâho nkudesire, kwo adesire Nyakasane Nyamubâho.

Ezekiyeli 26:2

Mwene omuntu, ebwa kubà Tiri anadesire kuli Yeruzalemu, erhi: He! he! alaga oku gwamâvunika omuhango gw’amashanja! Akola ayêrekîre emunda ndi, obugale bwâge bwahagwîrwe.

Ezekiyeli 26:21

Nâkujira obè wakuyôbohwa, orhânacihabe. Bâkazikulonza barhânacikubone bundi, kwo adesire Nyakasane Nyamubâho.

Ezekiyeli 28:1

Akanwa ka Nyamubâho kanacintindakwo muli ebîra binwa, erhi:

Ezekiyeli 28:19

Omu mashanja, ngasi yêshi wanakuyishigi, anakazifuduka erhi we orhuma, okola ôbà wa côbà, olwâwe lwamayûrha loshi».

Sofoniya 2:15

Kwo câhinduka ntyo cirya cishagala c’obulimbi, cirya abantu bamwo bakâgicîkèbwa mpu bajira aha bayegamire, banakazimanya mpu ntâye obalingânîne. Lêro cashûbusirage, cikola bulumba bwa nsimba! Ngasi boshi bakola bacigeramwo banashungûrhe n’okusômerwa.