Ezekiyeli 27:12 - BIBLIYA NTAGATIFU OMU MASHI

¹² Tarsisi akazâgiyishigulira emwâwe, abona adwîrhe ayungukira oku bugale bwâwe. Bakazâg’ikuhà ensaranga, ecûma, akasiteriti (kasigiriti), nâwe wanabaha ebirugu bali gula.

Ezekiyeli 27:12 ပူးပေါင်းရင်းမြစ်များ

Murhondêro 10:4

Bene Yavani: Elisha, Tarsisi, Abakitimi n’Abadodani.

1 Bâm 10:22

Nêci mwâmi ali agwêrhe amârho e Tarsisi haguma n’amârho ga Hiramu na ngasi myâka isharhu agôla mârho g’e Tarsisi gakazâg’iyisha gadwîrhe amasholo, amarhale, amahembe, encima n’enduku.

1 Bâm 22:48

Agôla mango ntà mwâmi wabâga aha Edomu, ci musirika wa mwâmi wabâga ho yêne.

2 Nganîro 9:21

Bulya mwâmi ali agwêrhe enkuge zakagija e Tarsisi zakazâgihêkwa n’abarhumisi ba Hurami; liguma omu myâka isharhu, ezôla nkugè zanarhenga e Tarsisi ziyîshe zidwîrhe amasholo, amarhale, amahembe g’enjavu, encima n’enduku.

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Izaya 2:16

agombya amârho g’e Tarsi goshi na ngasi nkugè za citwîro cidârhi.

Izaya 23:10

Ohingâge ecihugo câwe, nk’oku bajira oku burhambi bwa Nili, wâni munyere w’e Tarsisi, bulya ntà izîko licihali!

Izaya 23:14

Mubande endûlù, mwe mârho g’e Tarsisi, bulya olwâkiro lwinyu lwahongosire!

Izaya 23:6

Muyikirire e Tarsisi, mujè mwayâma, mwe muyûbaka oku burhambi bw’enyanja.

Izaya 60:9

Nêci, nie ebirhwa bicîkubagîre: amârho g’e Tarsisi go marhangiriza, gâyisha gadwîrhe abâna bâwe barhenga kuli, bacîyikîre amarhale n’amasholo gâbo, mpu baj’ikuza izîno lya Nyakasane Nyamuzinda wâwe, Omwimâna w’Israheli wakujîsagya irenge.

Yeremiya 10:9

Marhale matule nka rhwâsi garhenga cingana e Tarsi n’amasholo g’e Ofiri mukolo gwa mubinji, gwa munwe mulenga gw’omutuzi byoshi bushanja bwa bantu balenga. Babiyambike n’omushangi gw’akaduku obwo.

Ezekiyeli 27:11

Bene Arvadi, n’omurhwe gw’abalwî bâbo bo bakazâgiyinjihya enkûta zâwe omu marhambi banakazilanga orhuhembe rhwâwe. Bakazâgimanika empenzi zâbo oku nkûta zâwe, ntyo bayûshûla bwenêne obwinjà bwâwe.

Ezekiyeli 27:13

Yavani, Tubali na Mesheki, bakazagiyishirhimbûlira emwâwe. Bakazâgiguza abantu n’ebirugu byâbo by’omulinga nâwe wanabaha oku biryo byâwe.

Ezekiyeli 27:16

Edomu akazâgiyishigulira emwâwe erhi bunji bwa bintu byâwe burhuma: akazâgikujuha ezumaridi, emishangi y’akaduku, ey’obushengerêre n’eyindi eri nka citâni cinjinja n’amarajani n’eakiki, byo bakazâgikujuha oku bintu bagulaga emwâwe.

Ezekiyeli 27:18

Damasi akazâgiyishirhibûlira emwâwe erhi bunji bwa birugu byâwe burhuma n’obwo obugale bwâwe bwakazîgikulerhera idivayi ly’e Helboni n’amôya g’ebibu­zi by’e Sethari.

Ezekiyeli 27:33

Erhi wahakûlaga eby’oburhimbûzi bwâwe, ly’oyigusa embaga zoshi n’obugale bwâwe, n’ebiryo byâwe mwandu, wakazagigaza abâmi b’igulu.

Ezekiyeli 28:16

Oburhimbûzi bwâwe bwakuyunjuzize budârhi n’ebyâha. Nakuyandagazize bimbirimbiri okwôla ntondo ya Nyamuzinda, na kerûbini wakazâgikulanga àkulengerîze omu karhî k’amasèsè.

Ezekiyeli 28:5

Obulenga bwâwe bwalushine omu kurhimbûla, wayûshwîre obugale bwâwe, omurhima gwâwe gwanaciyunjula bucîbone erhi obo bugale burhuma.

Ezekiyeli 38:13

“Sheba, Dedani, barhimbuzi bakulu b’e Tarsisi haguma n’entale ntôrhò zâbo bakubwîra mpu: Ka kuhagula kukudwîrhe, ka kuyishisabunga eminyago kwarhumaga walundula eyi ngabo mwandu, wayisha mpu oli kungûja amarhale n’amasholo, mpu onyage amasò omwo n’ebirugu onaheke omunyago munji?”»

Yônà 1:3

Yônà ayimuka, àgwârha enjira, y’okuyâkira Nnâmahanga erhali hôfi, e Tarsisi. Anaciyandagalira e Yope, àbugâna obwârho bwajà e Tarsisi; abahyulira enjira, ajà omu bwârho boshi nabo kuhika e Tarsisi, kulî na Nnâmahanga.

Mafulûlo 18:12

amârho gayunjwîre masholo n’ensaranga, amabuye g’engulo ndârhi n’amagerha, emyambalo y’ecitâni n’eshushire omukò, eya swâ n’ey’akaduku; oburhunzi bw’emirhi y’obukù n’obw’ebirugu bibinje omu mahembe n’omu mirhi y’engulo ndârhi, ebirugu by’emiringa n’eby’ecûma n’eby’amabuye galabuka;