Ezekiyeli 26:20 - BIBLIYA NTAGATIFU OMU MASHI

²⁰ ago mango nâkuherêrekeza haguma n’abajà ekuzimu, wâshanga abantu ba mîra, nânakuyûbasa omu cihugo c’ekuzimu, omu kahwenyenye k’ensiku n’amango, haguma n’abajà ekuzimu, lyo orhagirhengayo mpu wâyishiyûbaka omu cihugo c’abazîne.

Ezekiyeli 26:20 ပူးပေါင်းရင်းမြစ်များ

Ennanga 27:13

Ncîkêbirwe nti nâbà nciri omu igulu ly’abazîne, nambone oku Nyakasane kuhâna abâna.

Ennanga 28:1

Lwa Daudi. Yâgirwa w’ono nayâkûza; omanye wafuka amarhwîri, mâshi Kabuye kâni; bulyâla erhi wakabula bwanyumva, nânashusha abacôcobera omu mwîna.

Izaya 14:10

“Boshi babumbûl’akanwa, bakubwîre, mpu: Yoo! Ka nâwe wanajonjolekana akîrhu, onakola orhushushire!”

Izaya 14:9

“Idako, wakuzimu adwîrhe acîshinga erhi we orhuma, mpu akuyankirire. Akol’azûsa ebizunguzungu we orhumire, ngasi bâli bakulire abâbo en’igulu; âyimusa oku ntebe zâbo abâmi b’amashanja boshi”.

Izaya 4:5

Nyamuzinda ahira oku ntondo ya Siyoni na kuli ngasi boshi bakubugânana ecitù mûshi, n’omugî gwalangashana nka muliro budufu; bulya irenge lya Nyakasane lyâbwîkira byoshi;

Izaya 59:10

Rhudwîrhe rhwatunduza nka mihûrha yajà yamâmârha oku cizimbêro; rhwajà rhwamâmârha nka bantu barhajira masù! Rhunaje rhwadungubeja omu kasirahinga nka bantu bajà bafûfûrha cajingwè; kwo rhuli nka mifù n’obwo rhurhalwâla!

Yeremiya 33:9

Yeruzalemu lyâbà izîno lya mwishingo bwenêne, na lya cikengwa embere z’agandi mahanga goshi g’en’igulu, hano gayumva ebi nâjira gâgwârhwa n’obwôba bwenêne bulya aminjà nâkolera Yeruzalemu guli mwandu.

Ndûlù 3:6

Anjugucîre omu mwizimya nka mufù gwa mîra-mîra.

Ezekiyeli 31:14

Lyo harhagibà omurhi gudomererwa gwacîkuza, erhi bulî bwâgo burhuma, gurhaginaheka obulî bwâgo omu nkuba karhî k’ebitù, lyo harhagibà omurhi gwayunjula mîshi na ntyo gubè gwa bucîbone oku yindi mirhi. Bulya yoshi eligunzibwe n’olufù, yâjà ekuzimu omu idaho, yajibêra haguma n’abâna ba abantu balya bayandagalîre ekuzimu.

Ezekiyeli 39:7

“Ntyo nânaheka izîno lyâni irenge omu karhî ka bene Israheli, ntakanaciziga izîno lyâni lyahemuka, n’amashanja gânamanyira ahôla oku nie Nyamubâho, nie Mutagatîfu wa Israheli”».

Amosi 9:2

Bakaderha mpu bacîbisha ekuzimu, okuboko kwâni kwabajalabulayo; bakashonera oku nkuba, nabahonyakwo;

Yônà 2:2

Mw’eyo nda y’enfî, Yônà ayâkûza Nnâmahanga Nyamuzinda wâge, aderha, erhi:

Yônà 2:6

Amîshi galingosire kuhika emumiro, entuli yalingosire, emihulula y’erwîshi yalinfukafusire irhwe.

Zakariya 2:8

Abwîra oyo wâbo, erhi: «Libirha obwîre ogwo musole gudwîrhe omugozi, erhi: Yeruzalemu arhazungulusîbwe côgo, bulya abantu n’ebintu birimwo biri binji bwenêne».

Mibalè 16:30

“Ci erhi Nyamubâho akajira akantu karhuma abandi bantu bazânwa, erhi idaho lyankayashamya akanwa kalyo, likanabamirangusa boshi kuguma n’ebintu byâbo byoshi, erhi bankayandagalira ekuzimu banazîne, aho nêci mwanamayira ho oku abâla bantu banajacire Nyamubâho”».

Mibalè 16:33

Bayandagalira ekuzimu banacizîne, bo na ngasi hyanali hyâbo hyoshi: idaho lyanacibafûnika, bahirigirha embere z’olubaga

Mateyo 11:23

Nâwe Kafarnaumu, ka omanyire mpu waliha kuhika oku nkuba? Wayish’ibungululwa kuhika omu kuzimu. Bulya ebisômerîne byajirîrwe omu bizimbêro byâwe, bicijiriragwa muli Sodomo, rhinga ho acibà kuhika ene.

Luka 10:15

“Nâwe Kafarnaumu, k’omanyire mpu walîha kuhika omu malunga?” “Wayish’ibungululwa kuhika omu kuzimu”.

2 Petro 2:5

akabà arhababaliraga abàli mîra, ci alanga Nûhu yênene, ye mujà-bugo w’obushinganyanya, bo na bandi bantu nda, okubundi anacilikira ecihonzi muli abo bantu babî;