Ezekiyeli 26:14 - BIBLIYA NTAGATIFU OMU MASHI

¹⁴ Nâkujira ibuye lyonene, wâbà lwânikiro lwa rhwêshe. Orhacishubiyûbakwa, bulya niono Nyamubâho nkudesire, kwo adesire Nyakasane Nyamubâho.

Ezekiyeli 26:14 ပူးပေါင်းရင်းမြစ်များ

Ayubu 12:14

Oyu amâshâbira, ntâye wankamuyûbakira, oyu amâshwêka, ntâye wankacimushwêkûla.

Ayubu 40:8

Ka walonza okugayaguza oku nahizire, onyime olubanja mpu ly’ocîhà lwo?

Izaya 14:27

Nka Nyakasane Nyamuzinda w’Emirhwe amârhôla omuhigo, ndi wa­ nkacimurhanga? Nk’amâlambûla okuboko, ndi wankacikugalula?

Izaya 23:12

Anaciderha, erhi: «Orhakaciderha mpu wacîbona, bulya washerîre, wâni munyere w’e Sidoni! Yimuka, oyîkirire e Kitimi! Ci ciru n’eyo munda ntà buholo wâbuganayo!»

Ezekiyeli 21:32

Nâyijira bwêrûlè, bwêrûlè, bwêrûlè! okurhasâgibonekana bundi kuhika ayîshe olya wahâbirw okutwa olubanja, olya nayîshiyîmika.

Ezekiyeli 22:14

Ka omurhima gwâwe gwasimika, k’amaboko gâwe gayôrha mazibu omu lusiku nacîhôla kuli we? Niono nie Nyamubâho nkudesire, nânakujira.

Ezekiyeli 26:12

Bâminyaga obuhirhi bwâwe, bâhagula oburhunzi bwâwe, bahongola e­nkûta zâwe, enyumpa zâwe nyinjinjà bazishâba. Amabuye gâwe, emirhi yâwe y’oburhungiri n’omutulo gwâwe byoshi bâbikwêba emuhengere.

Ezekiyeli 30:12

Ba Nili nâbaganya, ecihugo nâciha ebishungu. Nâhagula ecihugo coshi n’ebi cijira byoshi, nâkolêsa okuboko kw’ab’ihanga. Niono Nyamubâho nadesire.

Ezekiyeli 47:10

Oku burhambi bw’agôla mîshi abashâna bâyishikadubira­kwo, kurhenga e Engadi kujà e Engelayimu, bâkaz’iyisha balambulira hwo emilaga yâbo; enfî zâmwo ziri nk’enfî z’omu nyanja nnene, zânaciba mwandu kulusha.

Ezekiyeli 5:13

Lêro obwo, obukunizi bwâni bwânarhimukwa n’oburhè bwâni bwânarhûlirira kuli bo bulya namâcîhôla; ntyo banamanya oku niene Nyamubâho, nie nahigaga ntyo erhi lûji lurhuma, nâbayûkizakwo oburhè bwâni.

Ezekiyeli 5:15

Wâbà masheka, kantu ka nshonyi, lwîganyo lwa kuyôbohya oku mashanja gakuzonzire amango nakujirira ebyôla byoshi omu bucîranuzi bwâni haguma n’oburhè n’obukunizi n’amahane makali. Nie Nyamubâho okudesire.

Ezekiyeli 5:17

Nâkurhumira ecizombo n’ebiryanyi bikali bikazikulya abâna; ecihûsi n’omukò byâgera emwâwe. Nâkurhurnira n’engôrho ekumalîre. Nie Nyamubâho okudesire.

Malakiya 1:4

Erhi Edomu ankaderha mpu: «Rhwashâbirwe, ci kwône rhwâshubiyûbaka eci cishagala cîrhu càhindusire mushaka. Niono Nyakasane w’Emirhwe ndesire ntya: Bayûbakage, ci nâshanda omukolo gwâbo. Bâbayîrika izîno lya cihugo ciyunjula bubî n’erya lubaga Nyakasane ayôrha akunirîre».

Mibalè 23:19

Nyamuzinda arhabà muntu okazinywerha arhali mwene Adamu okazicîyunjuza. Ka ye oderha kône arhanajire cici? Ka ye oderha akanwa karhanabè kulya anaderhaga?

Mateyo 24:35

Irunga n’igulu byâgere, ci enderho zâni zirhakagera.

Lushika 13:16

“ababà bw’ogwo murhundu boshi, onabayôhemwo engôrho, ogwo murhundu onagushandâze gwo n’ebigubamwo byoshi”,