Ezekiyeli 26:10 - BIBLIYA NTAGATIFU OMU MASHI

¹⁰ Obunji bw’enfarasi zâge, bwâkuyunjuza katulo. Enkûta zâwe zâgera­mwo omusisi n’olubî lw’abalwî bâge bagenda n’enfarasi, n’olw’emizizi n’engâlè, hanôla akola agera omu mihango yâwe nka kula banacihandalika omu lugo lwamanyagwa.

Ezekiyeli 26:10 ပူးပေါင်းရင်းမြစ်များ

Yeremiya 39:3

Okubundi abarhambo ba mwâmi w’e Babiloni bajà mulya lugo, batwa amarâro aha muhango gw’ekarhî. Aho hali Nergal-Shareza, muluzi w’e Sini­-Magiri, murhambo mukulu w’engabo z’abalwî, Nabusharbani, murhambo mu­kulu, Sarsekimi, murhambo w’enkonè, n’abandi barhambo bakulu b’engabo za mwâmi w’e Babiloni.

Yeremiya 4:13

Lâba oku kashâba asôka nka citù, engâlè yâge kwo eri nka mpûsi, endogomi zâge zo zâkanya kulusha amakozi, rhwamahera! rhwamahwa!

Yeremiya 47:3

erhi midindiri y’ensenyi z’ebiterusi, emilulumo y’engâlè n’olubî lw’emizizi yazo erhuma. Abashamuka barhacikabagana abâna bâbo, amaboko garhîre enjingo,

Ezekiyeli 23:24

Bakurhabâlira kurhenga olunda lw’emwênè omu ngâlè nnene n’ensungunu, bayisha barhambwîre engabo mwandu. Bâkuyêrekeza empenzi za­âbo ennene n’ensungunu haguma n’ensirha yâbo nzibu-nzibu. Nabahire obuhashe bw’okukutwîra olubanja, bakutwîra olubanja oku obuhashe bwâbo bunali.

Ezekiyeli 26:15

Ntya kwo Nyakasane Nyamubâho abwîzire Tiri. Oku lubî lw’amango wâhirima, amango abamâlemala bakola bayâma, hano bânigûliza abantu ekarhî kâwe, ka ebihugo biri ekarhî k’enyanja birhâjugume?

Ezekiyeli 26:7

Bulyâla ntyâla kwo adesire Nyakasane Nyamubâho, erhi: Lolà oku namàrhumira Tiri, Nabukondonozori, mwâmi e Babiloni, mwâmi w’abâmi, arhenga olunda lw’emwênè, âyishire n’enfarasi, n’engâlè, n’abagenda oku nfarasi, ngabo ya bantu mwandu.

Ezekiyeli 26:9

Enkûta zâwe, âzirhulira emihuku eri nka ya ngandabuzi, ahongola enkingi zâwe n’enfuka zâge.

Ezekiyeli 27:28

Hano biyumva olubî lw’abashâna bâwe, ebikunguzo byoshi byânageremwo n’omusisi.

Yozwe 6:20

Olubaga lwanacibanda orhuhababo, abadâhwa banacibûha emishekera n’erhi olubaga luyumva omulenge gw’omushekera, loshi lwajira olwôho lunene bwenêne, olukûta lwahongoka, olubaga lwakananda lwajà omu lugo ngasi muguma anajà alola embere yône. Olwo lugo banacilurhôla.

Yozwe 6:5

Hano banabûha muli eryo ihembe ly’engandabuzi, na nka mwamayumva omulenge gw’ogwo mushekera, olubaga loshi lwanajira olwôho lunene, n’abo olukûta lw’olugo lwanahongoka; n’ago mango olubaga lwanaja lwakananda ngasi muguma embere zâge».