Ezekiyeli 24:21 - BIBLIYA NTAGATIFU OMU MASHI

²¹ “Ojibwira omulala gw’Israheli ebîra binwa: kwo Nyakasane Nyamubâho adesire ntyâla: Loli oku nkola nagendizinza aka-Nyamuzinda kâni, ho hantu mulimbira, gwo mwishingo gw’amasù ginyu, go masîma g’emirhima yinyu. Bagala binyu na bâli binyu mwasigaga bakola bajifa n’engôrho”.

Ezekiyeli 24:21 ပူးပေါင်းရင်းမြစ်များ

1 Bâm 9:7

narhenza Israheli omu cihugo namuhâga, eyo nyumpa nagishaga okw’izîno lyâni nanayilangabûla embere zâni, kandi Israheli anabà masheka na lwimbo omu gandi mashanja.

Ennanga 105:4

Musinze Nyakasane, musingirize obuhashe bwâge, mukaz’iyôrha mulongereza obusù bwâge.

Ennanga 132:8

Yimuka, Nyamwagirwa, ojè aha warhamûkira, mwe n’omucîmba gw’obwâmi bwâwe.

Ennanga 27:4

Kantu kaguma konene nsengîre Nnawîrhu, kanali k’aka: nti mbêre nâni omu bwâmi bwa Nyakasane ensiku zoshi z’obuzîne bwâni, lyo ncîshingira oburhonyi bwa Nyakasane, ndole n’oku ndâro yâge.

Ennanga 74:7

Oluhêro lwâwe bàludûlisire muliro, n’ecirâlo c’izîno lyâwe hanw’igulu bacîhemwîre.

Ennanga 79:1

Lulanga. Lwa Azafi. Nnâmahanga mâshi kàli abapagani bàkuhisire ekà, bàhemwîre engombe yâwe ntagatîfu, Yeruzalemu yêshi bàmuhindwîre bigûkà.

Ennanga 84:1

Gwârhi omukulu w’abimbiza. Luyimbwa aka Gati. Lwa bene Korè. Lulanga.

Ennanga 84:3

Omurhima gwâni gwafîre n’omwîfinjo gw’okuhika omu kônga ka Nyakasane. Omurhima gwâni n’amagala gâni bidwîrhe byalwîra okuhika aha burhambi bwa Nyamuzinda ozîne.

Ennanga 96:6

Obwâmi n’obumuleke bumushokolîre, n’entebe yâge buhashe n’obulangashane buyirikwo.

Izaya 65:11

Ci mw’oyo, mwe mwalekereraga Nyakasane, mwe mwayibagiraga entondo yâni ntagatîfu, mwe mwagwîkiraga Gadi oluhêro mwanakaz’ibumbira Meni akabehe,

Yeremiya 6:11

Cikwône niehe nyunjwire mutula gwa Nyamuzinda, nadesire nti ngurhange narhama k’orhagurhulira oku mwâna w’emuhanda n’omu ndêko y’abâna b’emisole. Bayishigwârhwa boshi: omulume na mukâge, okola mushosi n’okola kajo.

Yeremiya 7:14

eyi ngombe ederhwa n’izîno lyâni, eyôla mucîkubagîre, n’eri ishwa namuhâga mwe na basho nkolaga nayikolera birya nakoleraga Silo.

Yeremiya 9:21

Emirhumba y’abantu yashandire nka mashî omu ishwa nka kulya emîha erhibuka enyuma z’omurhemi, ebule n’omuntu wayishwêka.

Ndûlù 1:10

Omubisha ahêsire obuhiri bwâge bwoshi omu nfune. Ciru anabwîne n’oku abapagani bayenjerera omu cirhînyiro ca Nyakasane. N’obwo, Yâgirwa Nyakasane, wêne wahanzagya mpu irhondo abo bapagani barhajaga ahantu h’endêko yâwe.

Ndûlù 2:1

Yajêwe! Nyakasane omu bukunizi bwâge bunene anabwîne ecitù ciru e­nyanya za Yeruzalemu. Eryâli irenge ly’Israheli, alijugucîre oku idaho kurhenga enyanya empingu. Amango oburhè bwâge bwabirûnduka kuli Siyoni, ayibagira oku co càli citumbi c’okuhirakwo amagulu gâge.

Ndûlù 2:21

Emisole n’abashosi bajîre balambama oku idaho omu njira, abâna­-rhabana bâni n’abâna-nyere bahwêrire oku bwôji bw’engôrho. Wàbayîsire omu lusiku lw’omutula gwâwe, wanigûza buzira lukogo.

Ezekiyeli 23:25

Nayêrekeza olûji lwâni emunda oli, bâkulibuza omu bukunizi, bâkukûla izulu n’amarhwîri na ngasi ebi ocisigaline byahenanguka n’engôrho; bagwârha bagala bâwe na bâli bâwe n’ebicisigire kuli we byafonfomerwa n’omuliro.

Ezekiyeli 23:47

Kandi olubaga lw’e­ mbugânano lubabande amabuye lunabanigûze n’engôrho; bayîrhe bagala bâbo na bâli bâbo banadûlike omuliro oku nyumpa zâbo.

Ezekiyeli 24:16

Mwene omuntu, alà oku nkola narhenza caligumizà obushagaluke omu masù gâwe. Ci kônene orhacîdudumaga, orhahîra okarhoza emirenge.

Ezekiyeli 24:20

Nanacibabwîra, nti: «Akanwa ka Nyamubâho kampisirekwo muli ebîra binwa, erhi:

Ezekiyeli 24:22

“Mwayishijira nk’oku njizire: Murhayishibwîke amânwa ginyu, murhanayishilye omugati bankamulerhera”.

Ezekiyeli 24:25

«Nâwe mwene omuntu, k’arhali okunali kwo byanabà ntyôla olusiku narhenza ebi basimikiragakwo, ebi balimbira, ebyabâga mwishingo gw’amasù gâbo, ebyabâga masîma g’omurhima gwâbo, bagala bâbo na bâli bâbo.

Ezekiyeli 33:28

“Ecihugo nâjira ciyôrhe bwâmwa, ntâye wacigere oku ntondo zâco”.

Ezekiyeli 7:24

Nayisha ndwîrhe galya mashanja makali bwenêne, gayishibanyaga enyumpa zâbo. Nâfunyaza obucîbone bw’abanya-buhashe, n’ebirhînyiro byâbo byahemulwa.

Ezekiyeli 9:7

Anacibabwîra, erhi: «Muhemule aka-Nyamuzinda. muyunjuze obululi mirhumba munahuluke». Banacihuluka, bakanya bajà banigûza omu lugo mwoshi.

Daniyeli 11:31

Emirhwe y’abasirika barhumirwe naye bânayisha barhabîre, bânasherêza aka-Nyamuzinda kazibu-zibu; banarhenza enterekêro y’ensiku n’amango, bâ nahiraho ebyâbo by’okusherêza.

Hozeya 9:16

Efrayimu ali oku idaho, emizî yâge myûmu, barhâciyânekwo malehe. Ciru bankaciburha abâna, nâyîrha irene ly’enda yâbo.

Ben Levi 26:19

Nammutwamwo omumino, nanajira amalunga ginyu gammuzidohere nka cûma, n’idaho lizibuhe nka marhale.

Malakiya 2:12

Mâshi ngasi yêshi ojira ntyo Nyakasane amuhanze okubona omuntu w’omu bûko bwa Yakôbo wamufà lukogo, erhi ow’okumurhûlira enterekêro emwa Nyakasane mpu amuhûnira obwonjo!