Ezekiyeli 24:18 - BIBLIYA NTAGATIFU OMU MASHI

¹⁸ Naganîrira oluhaga sêzi, erhi kubà bijingo, mukânie anacifà. Nanacijira nk’oku nanarhegekagwa.

Ezekiyeli 24:18 ပူးပေါင်းရင်းမြစ်များ

Ezekiyeli 12:7

Nanacijira nk’oku nali ntegesirwe, nanacishana ebikunga byâni nka mukage mâshi, erhi kubà bijingo, n’amaboko gâni najira omurhule omu lukûta nanacihuluka omu mwizimya, naheba omuzigo gwâni aha lurhugo erhi bâna­bona.

Ezekiyeli 24:16

Mwene omuntu, alà oku nkola narhenza caligumizà obushagaluke omu masù gâwe. Ci kônene orhacîdudumaga, orhahîra okarhoza emirenge.

Ezekiyeli 24:17

Olakire emurhima, orhahîra okajà omu mishîbo y’abafîre, ofundikire ecitambara câwe omu irhwe, ohire enkwêrho zâwe emagulu, orhabwîkiraga obwânwa bwâwe, orhanalyâga omugati abalungu bakakulerhera.

Ezekiyeli 24:19

Okubundi olubaga lwanacimbwîra, erhi: «Kawakarhubwîra bwinjà kwo kuderha ku­erhi okûla odwîrhe wajira?»